ശബരിമല: മകരവിളക്ക് മഹോത്സവത്തോടനുബന്ധിച്ച് അടിയന്തരഘട്ട ദുരന്ത നിവാരണ പ്രവർത്തനങ്ങൾ നടപ്പാക്കുന്നതിന്റെ ഭാഗമായി ജില്ലയിലെ 11 സ്വകാര്യ ആശുപത്രികളിലെ ആംബുലൻസുകൾ ജില്ലാ ഭരണകൂടം ഏറ്റെടുത്തു.
പരുമല സെന്റ് ഗ്രിഗോറിയസ് പത്തനംതിട്ട ക്രിസ്ത്യൻ , തിരുവല്ല പുഷ്പഗിരി , തിരുവല്ല മെഡിക്കൽ മിഷൻ , പന്തളം സി.എം , കുമ്പനാട് ഫെലോഷിപ്പ് , അടൂർ മറിയ , ഏനാദിമംഗലം മൗണ്ട് സിയോൺ മെഡിക്കൽ കോളേജ് , റാന്നി അങ്ങാടി മർത്തോമ മെഡിക്കൽ മിഷൻ , പന്തളം എൻ.എസ്.എസ് മെഡിക്കൽ മിഷൻ , അടൂർ ലൈഫ് ലൈൻ ആശുപത്രികളിലെ ആംബുലൻസുകളാണ് ജനുവരി 13, 14, 15, 16 തീയതികളിലേക്ക് ഏറ്റെടുത്തത്. ഇവ ളാഹ, വടശേരിക്കര, പ്ലാപ്പളളി, റാന്നി പെരുനാട്, നിലയ്ക്കൽ ബേസ് ക്യാമ്പ്, പത്തനംതിട്ട നഗരസഭ ഇടത്താവളം, ഇലവുങ്കൽ ഇടത്താവളം എന്നീ സ്ഥലങ്ങളിൽ വിന്യസിക്കും.