കോന്നി : പൗരത്വ ബില്ലിനെതിരെ രാജ്യത്ത് ഒരിക്കലും കണ്ടിട്ടില്ലാത്ത രീതിയിൽ പ്രക്ഷോഭം ശക്തമാകുകയാണെന്ന് സി.പി.ഐ സംസ്ഥാന എക്‌സിക്യൂട്ടീവ് അംഗം സി.ദിവാകരൻ എം.എൽ. എ പറഞ്ഞു. കമ്മ്യൂണിസ്റ്റ് ഇന്റർനാഷണൽ ജില്ലാ തല സെമിനാർ ഉദ്ഘാടനം ചെയ്യുകയായിരുന്നു അദ്ദേഹം. സി .പി. ഐ സംസ്ഥാന കൗൺസിൽ അംഗം വി.പി. ഉണ്ണികൃഷ്ണൻ വിഷയാവതരണം നടത്തി. ജില്ലാ സെക്രട്ടറി എ.പി.ജയൻ മോഡറേറ്ററായിരുന്നു. സംസ്ഥാന കൗൺസിൽ അംഗം പി.ആർ. ഗോപിനാഥൻ, സംസ്ഥാന കൺട്രോൾ കമ്മിഷൻ അംഗം എം.വി. വിദ്യാധരൻ, ജില്ലാ അസി.സെക്രട്ടറി ഡി.സജി, ജില്ലാ എക്‌സിക്യൂട്ടീവ് കമ്മിറ്റിയംഗങ്ങളായ മലയാലപ്പുഴ ശശി, എം.പി.മണിയമ്മ,കോന്നി മണ്ഡലം അസി.സെക്രട്ടറി കെ.രാജേഷ്, ജില്ലാ കൗൺസിൽ അംഗം സുമതി നരേന്ദ്രൻ, ജിജി ജോർജ്ജ്, കേരള മഹിളാ സംഘം ജില്ലാ സെക്രട്ടറി പത്മിനിയമ്മ, മഹിളാസംഘം യുവജന വിഭാഗം ദേശീയ സമിതി അംഗം ശ്രീനാദേവീ, ജില്ലാ കൗൺസിൽ അംഗം കൂടൽ ശാന്തകുമാർ, കെ.എൻ.സത്യാനന്ദപ്പണിക്കർ, എ.ഐ.വൈ.എഫ് ജില്ലാ പ്രസിഡന്റ് എ.ദീപകുമാർ, ശരത് ചന്ദ്രകുമാർ, സി.കെ. അശോകൻ, എ.കെ. ലക്ഷ്മണൻപിള്ള എന്നിവർ പ്രസംഗിച്ചു.