തിരുവല്ല: പൊതുവിദ്യാഭ്യാസ വകുപ്പിന്റെ ആഭിമുഖ്യത്തിൽ ആറാമത് ദേശീയ സംസ്കൃത സെമിനാർ നാളെ തിരുവല്ല വി.ജി.എം ഹാളിൽ നടക്കും. രാവിലെ 9.30ന് ആന്റോ ആന്റണി എം.പി ഉദ്ഘാടനം ചെയ്യും. മാത്യു ടി.തോമസ് എം.എൽ.എ അദ്ധ്യക്ഷത വഹിക്കും.ചലച്ചിത്ര സംവിധായകൻ ബ്ലെസി മുഖ്യാതിഥിയാകും. എസ്.സി.ഇ.ആർ.ടി.ഡയറക്ടർ ഡോ.ജെ.പ്രസാദ് മുഖ്യപ്രഭാഷണം നടത്തും. പടയണി ആചാര്യൻ പ്രൊഫ.കടമ്മനിട്ട വാസുദേവൻ പിള്ളയെ ആദരിക്കും.പൊതുവിദ്യാഭ്യാസ ഡയറക്ടർ കെ.ജീവൻബാബു, സ്വാഗതം ആശംസിക്കും. ജില്ലാ വിദ്യാഭ്യാസ ഉപ ഡയറക്ടർ പി.എ.ശാന്തമ്മ മുഖ്യപ്രഭാഷണം നടത്തും.ജില്ലാ പഞ്ചായത്ത് പ്രസിഡന്റ് അന്നപൂർണാ ദേവി ഉപഹാരസമർപ്പണം നടത്തും. നഗരസഭാ ചെയർമാൻ ചെറിയാൻ പോളച്ചിറയ്ക്കൽ സമ്മാനദാനം നടത്തും. തുടർന്ന് ദ്രാവിഡ ഭാഷാസു സംസ്കൃതഭാഷാ പ്രഭാവ: എന്ന വിഷയത്തിൽ നടക്കുന്ന സെമിനാറിൽ രാഷ്ട്രീയ സംസ്കൃത സംസ്ഥാൻ സർവകലാശാല സാഹിത്യ വിഭാഗം തലവൻ ഡോ.രാഘവേന്ദ്രഭട്ട്, അസോ.പ്രൊഫ.ഡോ.കെ.വിശ്വനാഥൻ എന്നിവർ പ്രബന്ധം അവതരിപ്പിക്കും. പ്രൊഫ.വി.മാധവൻപിള്ള മോഡറേറ്ററാകും. എ.ഇ.ഓ പ്രസീന പി.ആർ. അദ്ധ്യക്ഷത വഹിക്കും. സംസ്കൃതം സ്‌പെഷ്യൽ ഓഫീസർ ഡോ.ടി.ഡി സുനീതി ദേവി, സംസ്കൃത അക്കാദമിക് കൗൺസിൽ സെക്രട്ടറിമാരായ പി.ജയകുമാര ശർമ്മ, ആർ.രമേശ്ബാബു എന്നിവർ പ്രസംഗിക്കും. 2.30മുതൽ പടയണി.