പന്തളം : കൊട്ടാരക്കര കില ഇ.ടി.സിയുടെ നേതൃത്വത്തിൽ തൊഴിലുറപ്പു പദ്ധതിയെക്കുറിച്ചുള്ള ഓഫ് കാമ്പസ് പരിശീലനം പന്തളം ബ്ലോക്കിൽ നാളെയും മറ്റന്നാളും നടത്തും.
. 20ന് പന്തളം തെക്കേക്കര, തുമ്പമൺ, മെഴുവേലി പഞ്ചായത്തുകൾക്കും 21ന് കുളനട, ആറൻമുള പഞ്ചായത്തുകൾക്കുമാണ് പരിശീലനം.
ബ്ലോക്കിലെയും ബ്ലോക്ക് പരിധിയിലെ ഗ്രാമപഞ്ചായത്തുകളിലെയും തിരഞ്ഞെടുക്കപ്പെട്ട ജനപ്രതിനിധികൾ, ഉദ്യോഗസ്ഥർ, മേറ്റുമാർ എന്നിവർ പങ്കെടുക്കണം. തൊഴിലുറപ്പു പദ്ധതിയിലെ മാറ്റങ്ങൾ, ഫീൽഡ് തല പ്രശ്‌നങ്ങൾ, പരിഹാരങ്ങൾ, സംശയങ്ങൾക്ക് മറുപടി, മേറ്റുമാരുടെ ചുമതലകൾ, തൊഴിലുറപ്പ് പദ്ധതി ഉപയോഗിച്ച് ഏറ്റെടുക്കാൻ കഴിയുന്ന വിവിധ ആസ്തി വികസന പ്രവൃത്തികൾ എന്നിവ പരിശീലനത്തിൽ വിശദീകരിക്കുമെന്ന് കില ഇ.ടി.സി പ്രിൻസിപ്പൽ ജി.കൃഷ്ണകുമാർ അറിയിച്ചു. നാളെ രാവിലെ 10 ന് ബ്ലോക്ക് പഞ്ചായത്ത് പ്രസിഡന്റ് രേഖാ അനിൽ ഉദ്ഘാടനം ചെയ്യും.