ചിറ്റാർ:മൺപിലാവു ഭാഗത്ത് കാട്ടുതീ പടരുന്നു. തേറകത്തും മണ്ണിന് മുകൾ ഭാഗം പൂവണ്ണും പതാൽ മേഖലയാകെ കത്തിപ്പടർന്ന തീ വില്ലൂന്നിപ്പാറ മൺപിലാവ് ജനവാസ കേന്ദ്രത്തോട് അടുക്കുകയാണെന്ന് നാട്ടുകാർ പറഞ്ഞു. തണ്ണിത്തോട് സ്‌​റ്റേഷൻ പരിധിയിൽ വരുന്ന വനമേഖലയാണിത്. വനം വകുപ്പ് ഉദ്യോഗസ്ഥർ രാവിലെ മുതൽ തീ അണയ്ക്കാൻ ശ്രമം നടത്തിയിട്ടും നിയന്ത്രണ വിധേയമായിട്ടില്ല. റാന്നി വനം ഡിവിഷന്റെ മറ്റു ഭാഗങ്ങളിൽ നിന്നും കൂടുതൽ ജീവനക്കാർ മേഖലയിൽ എത്തിയിട്ടുണ്ട്.