പത്തനംതിട്ട: മഹാത്മാഗാന്ധിയുടെ രക്തസാക്ഷിത്വദിനമായ 30 ന് വൈകിട്ട് 4.30 ന് യു.ഡി.എഫ് നേതൃത്വത്തിൽ പത്തനംതിട്ട പുതിയ പ്രൈവറ്റ് ബസ് സ്റ്റാൻഡിൽ ഇന്ത്യയുടെ മനുഷ്യ ഭൂപടം ഒരുക്കും .പൗരത്വ ഭേദഗതി നിയമം പിൻവലിക്കണമെന്നാവശ്യപ്പെട്ട് രാഷ്ട്രപതിക്ക് കത്തുകളയയ്ക്കും.
യു.‌ഡി.എഫ് ജില്ലാ ചെയർമാൻ വിക്ടർ റ്റി തോമസിന്റെ അദ്ധ്യക്ഷതയിൽ ചേർന്ന ജില്ലാ നേതൃയോഗത്തിൽ മുൻ രാജ്യസഭാ ഉപാദ്ധ്യക്ഷൻ പ്രൊഫ. പി.ജെ കുര്യൻ, ഡി.സി.സി പ്രസിഡന്റ് ബാബു ജോർജ്ജ്, പന്തളം സുധാകരൻ, ജോസഫ് എം പുതുശ്ശേരി , പി.മോഹൻരാജ്, എൻ.എം രാജു, മാലേത്ത് സരളാദേവി, ടി.എം ഹമീദ്, അഡ്വ. ജോർജ്ജ് വർഗീസ്, എ.ഷംസുദ്ദീൻ, പ്രൊഫ. സതീഷ് കൊച്ചുപറമ്പിൽ, അഡ്വ. ജയവർമ്മ, സനോജ് മേമന, ശ്രീകോമളൻ, റ്റി.കെ സാജു, തോമസ് ജോസഫ്, എബ്രഹാം വാഴയിൽ, അബ്ദുൾ കലാം ആസാദ്, രാധാചന്ദ്രൻ തുടങ്ങിയവർ പ്രസംഗിച്ചു.