കോന്നി :എസ്.എൻ.ഡി.പി യോഗം 4677 കുമ്മണ്ണൂർ ശാഖയിലെ ആനകുത്തി ശ്രീനാരായണ ഗുരുദേവ ക്ഷേത്രത്തിൽ പ്രതിഷ്ഠിക്കാനുള്ള പഞ്ചലോഹ വിഗ്രഹം വഹിച്ചുകൊണ്ടുള്ള ഘോഷയാത്ര ഭക്തി നിർഭരമായ ചടങ്ങുകളോടെ നടന്നു. ഇരിങ്ങാലക്കുടയിൽ നിർമ്മിച്ച പഞ്ചലോഹ വിഗ്രഹം കോഴഞ്ചേരി യൂണിയന്റെയും കാരംവേലി ശാഖയുടെയും നേതൃത്വത്തിൽ ഏ​റ്റുവാങ്ങി ഇന്നലെ ഉച്ചയ്ക്ക് രണ്ടിന് ഘോഷയാത്ര ആരംഭിച്ചു.പരിയാരം, ഇലന്തൂർ, ഇടപ്പരിയാരം,പത്തനംതിട്ട ടൗൺ,പ്രമാടം,തെങ്ങുംകാവ്, വെള്ളപ്പാറ,കോന്നി ടൗൺ, പയ്യനാമൺ പെരിഞ്ഞൊട്ടയ്ക്കൽ, ഐരവൺ എന്നീ ശാഖകളിലെ സ്വീകരണങ്ങൾ ഏ​റ്റുവാങ്ങി രാത്രിയിൽ ക്ഷേത്രാങ്കണത്തിൽ എത്തിച്ചേർന്നു. തുടർന്ന് ദീപാരാധന, ആചാര്യവരണം, പ്രസാദശുദ്ധിക്രിയകൾ, മഹാസുദർശനഹോമം,ജലാധിവാസം എന്നിവ നടന്നു. ശാഖാ പ്രസിഡന്റ് പി.ശോഭന, വൈസ് പ്രസിഡന്റ് എം.പി.പ്രഭ, സെക്രട്ടറി ആർ. ജയചന്ദ്രൻ , വിഗ്രഹം സമർപ്പിച്ച രംഗനാഥൻ നിരവുകാലായിൽ തുടങ്ങിയവർ നേതൃത്വം നൽകി.