റാന്നി: എസ്.എൻ.ഡി.പി യോഗം റാന്നി യൂണിയന്റെയും ഗുരുധർമ്മ പ്രചരണസഭ ജില്ലാ കമ്മിറ്റി ആഭിമുഖ്യത്തിലും നടത്തുന്ന 25-ാമത് മാടമൺ ശ്രീനാരായണ കൺവെൻഷന്റെ പ്രചരണാർത്ഥമുള്ള വിളംബര ഘോഷയാത്രയും, നാളെയും ചൈതന്യ രഥയാത്രയും ഞായറാഴ്ചയും. ആരംഭിക്കും.കൺവെൻഷൻ നഗറിലെത്തിച്ചേരുന്ന ഭക്തജനങ്ങൾക്ക് അന്നദാനം നൽകുന്നതിനുള്ള കലവറ നിറയ്ക്കുന്ന കാർഷിക വിളകളും പച്ചക്കറികളും വിളംബര ഘോഷയാത്രയോടൊപ്പം വിവിധ ശാഖകളിൽ നിന്നും സമാഹരിക്കുന്നതാണ്. നാളെ രാവിലെ 9.30ന് നാറാണംമൂഴി ശാഖാ ആങ്കണത്തിൽ യൂണിയൻ പി.ആർ.അജയകുമാർ ഉദ്ഘാടനം നിർവഹിക്കും. യൂണിയൻ അഡ്മിനിസ്‌ട്രേറ്റീവ് കമ്മിറ്റിയംഗം പി.എൻ.ചന്ദ്രപ്രസാദ്നും,അഡ്മിനിസ്‌ട്രേറ്റീവ് കമ്മിറ്റിയംഗം വി.ജി. കിഷോർ മാനേജറുമാണ്.ശനി, ഞായർ ദിവസങ്ങളിൽ യൂണിയൻ പരിധിയിലെ വിവിധ ശാഖകളിൽ പര്യടനം നടത്തി തലച്ചിറയിൽ സ്ഥാപിക്കും. മാടമൺ ശ്രീനാരായണ കൺവെൻഷൻ നഗറിൽ പ്രതിഷ്ഠിക്കുന്നതിനായുള്ള ഗുരുദേവ വിഗ്രഹം വഹിച്ചു കൊണ്ടുള്ള ചൈതന്യ രഥയാത്ര ഞായറാഴ്ച രാവിലെ 9.30ന് ശിവഗിരി സമാധിയിൽ നിന്നാരംഭിക്കും.ഗുരുധർമ്മ പ്രചരണ സഭ ജില്ലാ കമ്മിറ്റി നേതൃത്വത്തിലാണ് രഥയാത്ര സംഘടിപ്പിക്കുന്നത്.ശ്രീനാരായണ ധർമ്മസംഘം ട്രസ്റ്റ് ജനറൽ സെക്രട്ടറി സാന്ദ്രാനന്ദ സ്വാമികൾ ഉദ്ഘാടനം നിർവഹിക്കും.ഗുരുധർമ്മ പ്രചരണ സഭ ജില്ലാ പ്രസിഡന്റ് പി.എൻ. മധുസൂദനനാണ് ജാഥാ ക്യാപ്ടൻ.

ഫെബ്രുവരി 9 മുതൽ 16 വരെ മാടമൺ പമ്പാ മണൽപ്പുറത്താണ് കൺവെൻഷൻ നടക്കുന്നത്.