ചാത്തന്നൂർ: ദേശീയപാതയിൽ ചാത്തന്നൂർ ജംഗ്ഷനിലെ പെട്രോൾപമ്പിന് സമീപം ട്രെയിലറും കാറും കൂട്ടിയിടിച്ചു. ആർക്കും പരിക്കില്ല. ഇന്നലെ രാവിലെ പത്ത് മണിയോടെയാണ് അപകടം. തിരുവനന്തപുരം ഭാഗത്ത് നിന്ന് വന്ന ട്രെയിലറും കൊല്ലം ഭാഗത്ത് നിന്ന് വന്ന കാറും തമ്മിലാണ് കൂട്ടിയിടിച്ചത്. ഇടിയുടെ ആഘാതത്തിൽ കാർ ഭാഗികമായി തകർന്നു. അപകടത്തെ തുടർന്ന് ദേശീയപാതയിൽ അരമണിക്കൂറോളം ഗതാഗതം സ്‌തംഭിച്ചു. ഹൈവേ പൊലീസും ചാത്തന്നൂർ പൊലീസും സ്ഥലത്തെത്തി മേൽനടപടികൾ സ്വീകരിച്ചു.