അ​ഞ്ചാ​ലും​മൂ​ട് : ബൈ​പ്പാസിൽ നീ​രാ​വിൽ പാ​ല​ത്തി​ന് സ​മീ​പം ടൂ​റി​സ്റ്റ് ബ​സ് കാ​റി​ന് പി​ന്നി​ലി​ടി​ച്ച് മൂ​ന്ന് പേർ​ക്ക് നി​സാ​ര​പ​രി​ക്കേ​റ്റു. ഞാ​യറാഴ്ച്ച രാ​ത്രി 12 ന് ആ​യി​രു​ന്നു അ​പ​ക​ടം. ബ​സിന് മു​ന്നിൽ പോ​വു​ക​യാ​യി​രു​ന്ന കാർ പെ​ട്ടെ​ന്ന് ബ്രേ​ക്ക് ചെ​യ്​ത​തി​നെ തു​ടർ​ന്നാ​ണ് അ​പ​ക​ടം ഉ​ണ്ടാ​യെ​തെ​ന്നാ​ണ് സൂ​ച​ന. തി​രു​വൈ​രാ​ണി​ക്കു​ള​ത്ത് നി​ന്ന് തി​രു​വ​ന​ന്ത​പു​ര​ത്തേ​ക്ക് പോ​വു​ക​യാ​യി​രു​ന്നു ബ​സ്. അ​പ​ക​ട​ത്തെ തു​ടർ​ന്ന് ബ​സ് യാ​ത്ര​ക്കാ​രെ മ​റ്റൊ​രു ​ബ​സിൽ ക​യ​റ്റി​വി​ട്ടു. അ​പ​ക​ട​ത്തിൽ കാ​റി​ന്റെ പി​റ​കു​വ​ശ​വും ബ​സി​ന്റെ മുൻ​വ​ശ​വും ത​കർ​ന്നു. കാ​റി​ലു​ണ്ടാ​യി​രു​ന്ന​വർ മ​ദ്യ​ല​ഹ​രി​യി​ലാ​യി​രു​ന്നെ​ന്നും ബ​സിന് മു​ന്നിലൂടെ പോകവേ പ​ല​ത​വ​ണ ബ്രേ​ക്ക് ചെ​യ്​ത് അ​പ​ക​ടം ഉ​ണ്ടാ​ക്കാൻ ശ്ര​മി​ച്ചു​വെ​ന്നും ബ​സ് ജീ​വ​ന​ക്കാർ പറയുന്നു. പ​രാ​തി ല​ഭി​ക്കാ​ത്ത​തി​നെ തു​ടർ​ന്ന് അ​ഞ്ചാ​ലും​മൂ​ട് പൊ​ലീ​സ് കേ​സെ​ടു​ത്തി​ട്ടി​ല്ല.