കുണ്ടറ: യുവാവിനെ ജിമ്മിലെ ഡംബൽ കൊണ്ട് തലയ്ക്കടിച്ച് കൊല്ലാൻ ശ്രമിച്ച കേസിൽ പേരയം കരിക്കുഴി അഷ്ടമുടിപ്പൊയ്ക മേലേതിൽ വീട്ടിൽ ചിക്കു എന്ന് വിളിക്കുന്ന ഷക്കീർ ബാബു (28)വിനെ പൊലീസ് പിടികൂടി. പേ​ര​യം സ്വ​ദേ​ശി​യാ​യ പ്ര​ജീ​ഷിനെ (23)യാണ് പ്രതി ആക്രമിച്ചത്.

കഴിഞ്ഞ ദിവസം രാത്രി 9 മണിയോടെയാണ് സംഭവം നടന്നത്. പ്രജീഷ് ട്രെയിനറായി ജോലി ചെയ്യുന്ന പേരയത്തുള്ള ജിംനേഷ്യത്തിൽ പ്രതി അതിക്രമിച്ച് കടന്ന് അസഭ്യം പറയുകയും ഡംബൽ എടുത്ത് ചെവിയുടെ ഭാഗത്ത് ഇടിക്കുകയുമായിരുന്നു. ഷക്കീറിനെതിരെ മു​മ്പ് പ്രജീഷ് പോ​ലീ​സ് സ്റ്റേ​ഷ​നിൽ പ​രാ​തി നൽകിയതിലുള്ള വി​രോ​ധ​മാ​ണ് അ​ക്ര​മ​ത്തി​ന് കാ​ര​ണമെന്ന് പൊലീസ് പറയുന്നു.

കു​ണ്ട​റ എ​സ്.ഐ ഗോ​പ​കു​മാർ, സി​.പി.​ഒ ക​ബീർ എ​ന്നി​വർ ചേർ​ന്നാ​ണ് പ്ര​തി​യെ പി​ടി​കൂ​ടി​യ​ത്‌.