കൊല്ലം: തമിഴ് സിനിമാ നടൻ പുകവലിക്കുന്ന ചിത്രം ഒട്ടിച്ച ടിപ്പർ ഉടമ കുടുങ്ങി. കെ എൽ 16 വി,​ 4679 നമ്പർ ടിപ്പർ ലോറിയുടെ പിന്നിലാണ് സ്​റ്റിക്കർ പതിച്ചിരുന്നത്. ബീഡി, സിഗരറ്റ്, പുകയില എന്നിവയുമായി ബന്ധപ്പെട്ട പരസ്യങ്ങൾ നിരോധിച്ച സാഹചര്യത്തിൽ 'കോട്പ' നിയമപ്രകാരം വാഹന ഉടമയ്‌ക്കെതിരെ ജില്ലാ മെഡിക്കൽ ഓഫീസർ ഡോ. വി. വി. ഷെർളിയുടെ നിർദ്ദേശപ്രകാരമാണ് കേസെടുത്തത്. ടെക്‌നിക്കൽ അസിസ്​റ്റന്റ് എം. നാരായണനാണ് നിയമ ലംഘനം കണ്ടെത്തിയത്. കോട്പ നിയമം അനുസരിച്ച് കൊല്ലം ഫസ്​റ്റ് ക്ലാസ് ജുഡിഷ്യൽ മജിസ്‌ട്രേ​ട്ട് കോടതി 2ൽ കേസ് ഫയൽ ചെയ്തു.