പു​ന​ലൂർ: പു​ന​ലൂർ-​ പ​ത്ത​നാ​പു​രം പാ​ത​യി​ലെ നെ​ല്ലി​പ്പ​ള്ളി​യിൽ സ്വകാര്യ ബ​സിൽ ഇ​ടി​ച്ച് ക​രാ​റു​കാ​ര​നാ​യ ബൈ​ക്ക് യാ​ത്രികൻ മ​രി​ച്ചു. ക​ട​യ്​ക്കൽ, മാ​ങ്കോ​ട്, ആ​യി​ര​ക്കു​ഴി അ​രുൺ നി​ല​യ​ത്തിൽ ബാ​ല​കൃ​ഷ്​ണൻ നാ​യ​രു​ടെ മ​കൻ അ​രുൺ കു​മാറാണ് (40) മ​രി​ച്ച​ത്. ഇ​ന്ന​ലെ വൈ​കിട്ട് 3.30ന് പു​ന​ലൂർ നെ​ല്ലി​പ്പ​ള്ളി ഗ​വ. പോ​ളി​ടെ​ക്‌​നി​ക് കോ​ളേ​ജി​ന് മു​ന്നിലാ​യി​രു​ന്നു അ​പ​ക​ടം. പ്ല​മ്പിം​ഗ്, ഇ​ല​ട്രി​ക് ജോ​ലി​ക​ളു​ടെ ക​രാ​റു​കാ​ര​നാ​യ അ​രുൺ പു​ന​ലൂ​രിൽ നി​ന്നും സാ​ധ​ന​ങ്ങൾ വാ​ങ്ങി പ​ത്ത​നാ​പു​രം ഭാ​ഗ​ത്തെ പ​ണി​സ്ഥ​ല​ത്തേക്ക് ബൈ​ക്കിൽ പോ​കുകയായിരുന്നു. പ​ത്ത​നാ​പു​രം ഭാ​ഗ​ത്ത് നി​ന്നെ​ത്തി​യ സ്​കു​ട്ട​റിൽ ത​ട്ടി​യ ബൈ​ക്ക് നി​യ​ന്ത്ര​ണം വി​ട്ട് സ്​കൂ​ട്ട​റി​ന് പു​റ​കെ എ​ത്തി​യ ബ​സിൽ ഇ​ടി​ച്ചു ക​യ​റി​യെ​ന്ന് സ​മീ​പ​വാ​സി​കൾ പ​റ​ഞ്ഞു. തലയുടെ പുറകുഭാഗം ഇ​ടി​ച്ചു റോ​ഡിൽ വീ​ണ അ​രുൺ തൽ​ക്ഷ​ണം മ​രി​ച്ചു. നാ​ട്ടു​കാ​രും പൊ​ലീ​സും ചേർ​ന്ന് പു​നലൂർ ഗ​വ. താ​ലൂ​ക്ക് ആ​ശു​പ​ത്രി​യിൽ എ​ത്തി​ച്ചു. മൃ​ത​ദേ​ഹം മോർ​ച്ച​റി​യിൽ. ഹെൽ​മ​റ്റ് ധ​രി​ച്ചി​രു​ന്നെ​ങ്കി​ലും പെ​ട​ലി ഇ​ടി​ച്ചു റോ​ഡിൽ വീ​ണ​താ​കാം മ​ര​ണ​ത്തി​ന് കാ​ര​ണ​മെന്ന് കരുതുന്നു.