കൊ​ല്ലം: ഏ​ഴാ​മ​ത് സാ​മ്പ​ത്തി​ക സെൻ​സ​സി​ന് ജി​ല്ല​യിൽ തു​ട​ക്ക​മാ​യി. സെൻ​സ​സ് ജി​ല്ലാ​ത​ല കോ ഓർ​ഡി​നേ​ഷൻ സ​മി​തി​യു​ടെ ചെ​യർ​മാൻ കൂ​ടി​യാ​യ ജി​ല്ലാ ക​ള​ക്ടർ ബി. അ​ബ്ദുൽ നാ​സ​റിൽ നി​ന്നും വി​വ​ര​ങ്ങൾ ശേ​ഖ​രി​ച്ച് സെൻ​സ​സ് സർ​വേ​യു​ടെ ഔ​ദ്യോ​ഗി​ക ഉ​ദ്​ഘാ​ട​നം ന​ട​ന്നു.
ആൻ​ഡ്രോ​യ്​ഡ് ആ​പ്ലി​ക്കേ​ഷൻ വ​ഴി​യാ​ണ് ഇ​ത്ത​വ​ണ വി​വ​ര ശേ​ഖ​ര​ണം. കേ​ന്ദ്ര സ്ഥി​തി വി​വ​ര​ക്ക​ണ​ക്ക് പ​ദ്ധ​തി നിർ​വ​ഹ​ണ മ​ന്ത്രാ​ല​യ​ത്തി​ന്റെ നേ​തൃ​ത്വ​ത്തിൽ സി. എ​സ് .സി ഇ​ഗ​വേ​ണൻ​സ് സർ​വീ​സ​സ് ഇ​ന്ത്യ ലി​മി​റ്റ​ഡു​മാ​യി ചേർ​ന്നാ​ണ് സെൻ​സ​സ് പ്ര​വർ​ത്ത​ന​ങ്ങൾ ന​ട​ത്തു​ന്ന​ത്.

ഇ​തി​ന് ദേ​ശീ​യ പൗ​ര​ത്വ ഭേ​ദ​ഗ​തി നി​യ​മ​വു​മാ​യി ബ​ന്ധ​മു​ണ്ടെ​ന്ന പ്ര​ചാര​ണം അ​ടി​സ്ഥാ​ന​ര​ഹി​ത​മാ​ണെ​ന്നും എ​ല്ലാ​വ​രും സർ​വ്വേ​ക്ക് എ​ത്തു​ന്ന ഉ​ദ്യോ​ഗ​സ്ഥ​രു​മാ​യി സ​ഹ​ക​രി​ക്ക​ണ​മെ​ന്നും ക​ളക്ടർ അ​റി​യി​ച്ചു.
2013​ൽ ന​ട​ന്ന ആ​റാ​മ​ത് സാ​മ്പ​ത്തി​ക സെൻ​സ​സി​ന്റെ അ​തേ മാ​തൃ​ക​യി​ലാ​യി​രി​ക്കും ഇ​ത്ത​വ​ണ​യും ക​ണ​ക്കെ​ടു​പ്പ്. കാർ​ഷി​കേ​ത​ര മേ​ഖ​ല ഉൾ​പ്പെ​ടെ, സ്വ​ന്തം ഉ​പ​യോ​ഗ​ത്തി​നാ​യു​ള്ള​വ ഒ​ഴി​കെ​യു​ള്ള എ​ല്ലാ​ത്ത​രം ച​ര​ക്ക് സേ​വ​ന ഉൽ​പാ​ദ​ന വി​ത​ര​ണ സം​രം​ഭ​ങ്ങ​ളെ​യും ക​ണ​ക്കിൽ ഉൾ​പ്പെ​ടു​ത്തും. 1977 മു​തൽ ആ​റ് ത​വ​ണ​യാ​ണ് സാ​മ്പ​ത്തി​ക സെൻ​സ​സ് ന​ട​ത്തി​യി​ട്ടു​ള്ള​ത്.
ക​ളക്‌​ടറേ​റ്റിൽ ന​ട​ന്ന പ​രി​പാ​ടി​യിൽ ഇ​ക്ക​ണോ​മി​ക് ആൻ​ഡ് സ്റ്റാ​റ്റി​സ്റ്റി​ക്‌​സ് വ​കു​പ്പ് ഡെ​പ്യൂ​ട്ടി ഡ​യ​റ​ക്ടർ ഇ​സ​ഡ്. ഷാ​ജ​ഹാൻ, നാ​ഷ​ണൽ സ്റ്റാ​റ്റി​സ്റ്റി​ക്കൽ ഓ​ഫീ​സ് അ​സി​സ്റ്റന്റ് ഡ​യ​റ​ക്ടർ ശ​ശി​ധ​രൻ, സി.എ​സ്. സി ജി​ല്ലാ മാ​നേ​ജർ മു​ഹ​മ്മ​ദ് അർ​ഷാ​ദ്, ഫീൽ​ഡ് ത​ല ഉ​ദ്യോ​ഗ​സ്ഥർ തു​ട​ങ്ങി​യ​വർ പ​ങ്കെ​ടു​ത്തു.