കൊ​ട്ടി​യം: ജ​പ്പാൻ കു​ടി​വെ​ള്ള പ​ദ്ധ​തി​യിൽ നി​ന്ന് കു​ടി​വെ​ള്ളം മു​ട​ങ്ങി​യ​തി​നെ തു​ടർ​ന്ന് വീ​ട്ട​മ്മ​മാ​രും കോ​ള​നി നി​വാ​സി​ക​ളും കൊ​ട്ടി​യ​ത്തെ വാ​ട്ടർ അ​തോ​റി​റ്റി ഓ​ഫീ​സ് ഉപരോധിച്ചു. മ​യ്യ​നാ​ട് ധ​വ​ള​ക്കു​ഴി സു​നാ​മി ഫ്ളാ​റ്റ് നി​വാ​സി​ക​ളാ​ണ് വാ​ട്ടർ അ​തോ​റി​റ്റി ഓ​ഫീ​സിൽ സംഘടിച്ചെത്തിയത്.

ക​ഴി​ഞ്ഞ മൂ​ന്ന് ദി​വ​സ​ത്തോളമായി പ്രദേശത്ത് കുടിവെ​ള്ളം ല​ഭി​ക്കു​ന്നി​ല്ല. അ​ധി​കൃ​ത​രു​മാ​യി ബ​ന്ധ​പ്പെ​ടു​മ്പോൾ ഉ​ടൻ വെ​ള്ളം കി​ട്ടു​മെ​ന്ന മ​റു​പ​ടി​യാ​ണ് ലഭിക്കുന്നതെന്നും വീട്ടമ്മമാർ പറഞ്ഞു. ര​ണ്ട് ദി​വ​സം കാ​ത്തി​രു​ന്നിട്ടും വെ​ള്ളം കി​ട്ടാ​താ​യ​തോ​ടെ​യാ​ണ് പ്ര​തി​ഷേ​ധ സ​മ​ര​വു​മാ​യി ഇവർ കൊ​ട്ടി​യ​ത്തെ ഓ​ഫീ​സിൽ എ​ത്തി​യ​ത്.

മ​യ്യ​നാ​ട് പ​ഞ്ചാ​യ​ത്തി​ലെവിടെയും ക​ഴി​ഞ്ഞ മൂ​ന്ന് ദി​വ​സ​മാ​യി വെ​ള്ളം കി​ട്ടാ​ത്ത അ​വ​സ്ഥ​യാ​ണ്. സമരവുമായെത്തിയ സ്ത്രീകൾ പി​രി​ഞ്ഞുപോ​കു​വാൻ ത​യ്യാ​റാ​കാ​ത്ത​തി​നെ തു​ടർ​ന്ന് കൊ​ട്ടി​യം എ​സ്.ഐ ഷ​ഹാ​ലി​ന്റെ നേ​തൃ​ത്വ​ത്തി​ലു​ള്ള പൊ​ലീ​സ് സം​ഘം പ്ര​തി​ഷേ​ധ​ക്കാ​രും വാ​ട്ടർ അ​തോ​റി​റ്റി ഉ​ദ്യോഗ​സ്ഥ​രു​മാ​യും ചർ​ച്ച ന​ട​ത്തി. വെള്ളിയാഴ്ച രാ​ത്രി എ​ട്ട് ​മ​ണി​യോ​ടെ വെ​ള്ളം ല​ഭി​ക്കു​വാൻ ആ​വ​ശ്യ​മാ​യ ന​ട​പ​ടി​കൾ സ്വീ​ക​രി​ക്കാ​മെ​ന്ന് ഉ​റ​പ്പ് നൽകിയതിനെ തുടർന്നാണ് സ​മ​രം അ​വ​സാ​നി​പ്പിച്ച​ത്. മ​യ്യ​നാ​ട് ഗ്രാ​മ​പ​ഞ്ചാ​യ​ത്ത് അം​ഗം ഉ​മേ​ഷ്, കോൺ​ഗ്ര​സ് നേ​താ​വ് വി​പിൻ ജോ​സ് എ​ന്നി​വർ നേ​തൃ​ത്വം നൽ​കി.