കൊല്ലം: ഗിരിവർഗ വേടർ മഹാസഭ ജില്ലാ സമ്മേളനം ടി.എം. വർഗീസ് മെമ്മോറിയൽ ഹാളിൽ നടന്നു. പൊതുസമ്മേളനത്തിന് മുന്നോടിയായി വൈകിട്ട് 3ന് കൊല്ലം റസ്റ്റ് ഹൗസിന് മുന്നിൽ നിന്ന് പ്രകടനം നടന്നു. സംസ്ഥാന പ്രസിഡന്റ് കൊട്ടിയം തങ്കപ്പൻ,​ സെക്രട്ടറി ശാസ്താംകോട്ട മണി എന്നിവർ നേതൃത്വം നൽകി.

തുടർന്ന് നടന്ന പൊതുസമ്മേളനം എൻ.കെ. പ്രേമചന്ദ്രൻ എം.പി ഉദ്ഘാടനം ചെയ്തു. കൊട്ടിയം തങ്കപ്പൻ അദ്ധ്യക്ഷത വഹിച്ചു. മേയർ ഹണി ബെഞ്ചമിൻ,​ കൗൺസിലർ എം.എസ്. ഗോപകുമാർ,​ ജി. വിജയകുമാർ,​ ഒ.വി. കുഞ്ഞമ്മിണി,​ സി.വി. ഭാസ്കരൻ,​ പുനലൂർ തുളസീധരൻ എന്നിവർ സംസാരിച്ചു. ശാസ്താംകോട്ട മണി സ്വാഗതവും അഞ്ചാലുംമൂട് ബാബു നന്ദിയും പറഞ്ഞു.