പത്തനാപുരം: എസ്.എൻ.ഡി.പി യോഗം 2453-ാം നമ്പർ പാണ്ടിത്തിട്ട ശാഖയുടെ വാർഷിക പൊതുയോഗവും ഭരണസമിതി തിരഞ്ഞെടുപ്പും ശാഖാ മന്ദിരത്തിൽ നടന്നു. പത്തനാപുരം യൂണിയൻ സെക്രട്ടറി ബി.ബിജു ഉദ്ഘാടനം ചെയ്തു. യൂണിയൻ വൈസ് പ്രസിഡന്റ് കെ.കെ. ശശീന്ദ്രൻ അദ്ധ്യക്ഷത വഹിച്ചു.

ശാഖാ സെക്രട്ടറി കെ. തുളസീധരൻ വരവ് ചെലവ് കണക്കും റിപ്പോർട്ടും അവതരിപ്പിച്ചു. യൂണിയൻ കൗൺസിലർ ജി. ആനന്ദൻ യൂണിയൻ പഞ്ചായത്ത്‌ കമ്മിറ്റി അംഗങ്ങളായ എൻ.ഡി. മധു, എൻ.പി. ഗണേഷ്‌കുമാർ, വനിതാസംഘം യൂണിയൻ പ്രസിഡന്റ് സുലത പ്രകാശ്, സെക്രട്ടറി എസ്. ശശിപ്രഭ, വൈസ് പ്രസിഡന്റ് ഇന്ദിര ഗണേഷ്, യൂത്ത് മൂവ്മെന്റ് യൂണിയൻ പ്രസിഡന്റ് റിജു വി. ആമ്പാടി, സെക്രട്ടറി ബിനു സുരേന്ദ്രൻ തുടങ്ങിയവർ സംസാരിച്ചു. ശാഖാ പ്രസിഡന്റ് എൻ. മുരളീധരൻ സ്വാഗതവും വൈസ് പ്രസിഡന്റ് സതീശൻ നന്ദിയും പറഞ്ഞു.