കൊല്ലം: കേരളത്തോടുള്ള കേന്ദ്രസർക്കാരിന്റെ അവഗണനക്കെതിരെ എഫ്.എസ്.ഇ.ടി.ഒയുടെ നേതൃത്വത്തിൽ ജീവനക്കാരും അദ്ധ്യാപകരും ജില്ലാ, താലൂക്ക് കേന്ദ്രങ്ങളിൽ പ്രകടനവും യോഗവും നടത്തി. കൊല്ലത്ത് സിവിൽ സ്റ്റേഷന് മുന്നിൽ പ്രകടനത്തിന് ശേഷം ചേർന്ന യോഗം എൻ.ജി.ഒ. യൂണിയൻ സംസ്ഥാന സെക്രട്ടേറിയറ്റ് അംഗം എസ്. സുശീല ഉദ്ഘാടനം ചെയ്തു. എഫ്.എസ്.ഇ.ടി.ഒ. ജില്ലാ സെക്രട്ടറി എസ്. ഓമനക്കുട്ടൻ, കെ.എസ്.ടി.എ. സംസ്ഥാന എക്സിക്യുട്ടീവ് അംഗം ബി. സതീഷ് ചന്ദ്രൻ, കെ.ജി.ഒ.എ. ജില്ലാ സെക്രട്ടറി എസ്.ദിലീപ്, പി.എസ്.സി. എംപ്ലോയീസ് യൂണിയൻ സംസ്ഥാന വൈസ് പ്രസിഡന്റ് ബി.ജയകുമാർ, ബിജു എന്നിവർ സംസാരിച്ചു.
പുനലൂരിൽ എൻ.ജി.ഒ. യൂണിയൻ ജില്ലാ വൈസ് പ്രസിഡന്റ് പി. സരസ്വതി അമ്മ, കൊട്ടാരക്കരയിൽ ജില്ലാ ജോയിന്റ് സെക്രട്ടറി വി. പ്രേം, കുന്നത്തൂരിൽ ജില്ലാ സെക്രട്ടേറിയറ്റ് അംഗം എം.എം. നിസ്സാമുദ്ദീൻ, പത്തനാപുരത്ത് ജെ. രതീഷ് കുമാർ, കരുനാഗപ്പള്ളിയിൽ ബി. സുജിത് എന്നിവർ പ്രകടനത്തിന് ശേഷം ചേർന്ന യോഗങ്ങൾ ഉദ്ഘാടനം ചെയ്തു.