കരുനാഗപ്പള്ളി: താമരക്കുളം പുതിയവീട്ടിൽ ദേവീക്ഷേത്രത്തിലെ 32​ാം ഭാഗവത സപ്താഹയജ്ഞവും രോഹിണി തിരുനാൾ മഹോത്സവവും 27മുതൽ ഫെബ്രുവരി 2വരെ തന്ത്രിമുഖ്യൻ താഴമൺമഠം കണ്ഠര് മോഹനരുടെയും മേൽശാന്തി കെ.എസ് പുരംവിഷ്ണുവിന്റെയും കാർമ്മികത്വത്തിൽ നടക്കും. എല്ലാ ദിവസവും പ്രഭാതഭേരി,​ ഹരിനാമകീർത്തനം,​ ഗണപതിഹോമം,​ സൂക്തജപം,​ വിഷ്ണുസഹസ്രനാമജപം,​ ഗ്രന്ഥനമസ്കാരം,​ ഭാഗവത പാരായണം,​ ഭാഗവത പ്രഭാഷണം,​ പ്രസാദമൂട്ട്,​ ദീപാരാധന,​ സമൂഹപ്രാർത്ഥന,​ ഭജന,​ പ്രഭാഷണം എന്നിവ നടക്കും. ഫെബ്രുവരി 2ന് രാവിലെ 5ന് അഷ്ടദ്രവ്യമഹാഗണപതിഹോമം,​ വൈകിട്ട് 3.30ന് ദേവസ്വം ബോർഡ് മെമ്പർ അഡ്വ. കെ.എസ്. രവിക്ക് സ്വീകരണം,​ 4ന് അവഭൃഥസ്നാന ഘോഷയാത്ര. ഫെബ്രുവരി 3ന് രാവിലെ 5ന് രോഹിണി പൊങ്കാല,​ 9ന് സോപാനസംഗീതം,​ 10ന് കലശം,​ ഉഷപൂജ,​ തുടർന്ന് കലശാഭിഷേകം,​ നവകം,​ നൂറുംപാലും,​ പുള്ളുവൻപാട്ട്,​ വൈകിട്ട് 5ന് ചെണ്ടമേളം,​ രാത്രി 8ന് സേവ,​ 9.30ന് ഗാനമേള,​ 12ന് ആകാശവിസ്മയക്കാഴ്ച്ച.