 30 കുപ്പി വിദേശമദ്യവും 200 പായ്ക്കറ്റ് പുകയില ഉത്പന്നങ്ങളും പിടിച്ചെടുത്തു

കൊല്ലം: മൊ​ബൈൽ ഫോ​ണിൽ വി​വ​രം നൽ​കി​യാൽ ആ​വ​ശ്യ​ക്കാർ​ക്ക് ഇ​ഷ്ടാ​നു​സ​ര​ണം മ​ദ്യം സ്ഥ​ല​ത്ത് എ​ത്തി​ച്ചു​കൊ​ടു​ക്കു​ന്ന യുവാവ് കണ്ണനല്ലൂർ പൊലീസിന്റെ പിടിയിലായി. തൃ​ക്കോ​വിൽ​വ​ട്ടം കി​ഴ​വൂർ ഇ.എ​സ്.എ അ​ശു​പ​ത്രി​ക്ക് സ​മീ​പം ബി​നോ​ജ് ഭ​വ​ന​ത്തിൽ ബി​നോ​യ് (23) ആ​ണ് പൊലീസിന്റെ പിടിയിലായത്. ഇയാളിൽ നിന്ന് 30 കുപ്പി ഇന്ത്യൻ നിർമ്മിത വിദേശമദ്യവും 200 പായ്ക്കറ്റ് നിരോധിത പുകയില ഉത്പന്നങ്ങളുടെ പിടിച്ചെടുത്തു.

ബി​വ​റേ​ജ​സ് കോർ​പ്പ​റേ​ഷ​നു​ക​ളു​ടെ ഔ​ട്ട്ലെ​റ്റു​ക​ളും ബാ​റു​ക​ളും അ​വ​ധി​യാ​യി​രി​ക്കു​ന്ന ദി​വ​സ​ങ്ങ​ളിൽ ഇ​രു​ച​ക്ര​വാ​ഹ​ന​ത്തിൽ ചു​റ്റി​ത്തി​രി​ഞ്ഞ് വിൽ​പ്പ​ന ന​ട​ത്തു​ന്ന​താ​ണ് ഇയാളുടെ രീ​തി. മാ​ഹി, ഗോ​വ തു​ട​ങ്ങി​യ സ്ഥ​ല​ങ്ങ​ളിൽ നി​ന്ന് ര​ഹ​സ്യ​മാ​യി മ​ദ്യ​വും പു​ക​യി​ല​ ഉല്പ​ന്ന​ങ്ങ​ളും ക​ട​ത്തി​കൊ​ണ്ടു​വ​ന്ന് വീ​ട്ടി​ലും മ​റ്റ് സ്ഥലങ്ങളിലുമായി ര​ഹ​സ്യ​മാ​യി സൂ​ക്ഷി​ച്ച് ആ​വ​ശ്യ​ക്കാർ​ക്ക് സ്ഥ​ല​ത്ത് എ​ത്തി​ച്ച് കൊ​ടു​ക്കുകയാണ് പതിവ്.

സിറ്റി പൊലീസ് കമ്മിഷണർ ടി. നാ​രാ​യ​ണന് ല​ഭി​ച്ച ര​ഹ​സ്യ​വി​വ​ര​ത്തി​ന്റെ അ​ടി​സ്ഥാ​ന​ത്തിൽ ചാ​ത്ത​ന്നൂർ എ.എ​സി.പി ജോർ​ജ്ജ് കോ​ശി​യുടെ നിർ​ദ്ദേ​ശാ​നു​സ​ര​ണം ക​ണ്ണ​ന​ല്ലൂർ ഇൻ​സ്‌​പെ​ക്ടറിന്റെ നേ​തൃ​ത്വ​ത്തിൽ ന​ട​ത്തി​യ ര​ഹ​സ്യ​നീ​ക്ക​ത്തിൽ ആ​ണ് പ്ര​തി പിടിയിലായത്. ഇയാളെ കോടതിയിൽ ഹാ​ജ​രാ​ക്കി റി​മാൻഡ് ചെ​യ്​തു.

കണ്ണനല്ലൂർ എ​സ്.ഐ ജ​യ​ശ​ങ്കർ, സു​ന്ദ​രേ​ശൻ, എ.എ​സ്.ഐ പ്ര​ദീ​പ്, സി.പി.ഒമാ​രാ​യ മ​ണി​ക​ണ്ഠൻ, ഷെ​മീർ​ഖാൻ എ​ന്നി​വ​ര​ട​ങ്ങി​യ പൊ​ലീ​സ് സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്.