തൃശൂർ: തേക്കിൻകാട് മൈതാനിയിൽ നടക്കുന്ന പുഷ്‌പോത്സവം 24 ന് വൈകീട്ട് നാലിന് കൃഷിമന്ത്രി അഡ്വ. വി.എസ്. സുനിൽ കുമാർ ഉദ്ഘാടനം ചെയ്യും. മേയർ അജിത വിജയൻ അദ്ധ്യക്ഷയാകും. 24 മുതൽ ഫെബ്രുവരി രണ്ട് വരെയാണ് പുഷ്പ, ഫല, സസ്യ പ്രദർശനം നടക്കുക. തൃശൂർ അഗ്രി ഹോർട്ടി കൾച്ചറൽ സൊസൈറ്റി, കോർപറേഷൻ, കൊച്ചിൻ ദേവസ്വം ബോർഡ്, ജില്ലാ പഞ്ചായത്ത്, കേരള കാർഷിക സർവകലാശാല, കേരള കൃഷി വകുപ്പ്, വെറ്റിനറി സർവകലാശാല എന്നിവയുടെ സംയുക്ത ആഭിമുഖ്യത്തിലാണ് പുഷ്‌പോത്സവം. സെമിനാറുകൾ, പെറ്റ് ഷോ, വെജിറ്റബിൾ കാർവിംഗ്, പുഷ്പാലങ്കാര മത്സരങ്ങൾ, കാർഷിക പ്രശ്‌നോത്തരി, കാർഷിക സംവാദം, ഗാനമേള, നൃത്തനൃത്യങ്ങൾ എന്നവയും അരങ്ങേറും. കളക്ടർ എസ് ഷാനവാസ് ആമുഖ പ്രഭാഷണം നടത്തും