പുതുക്കാട്: പാലിയേക്കര ടോൾ പ്ലാസയ്ക്ക് പത്ത് കിലോമീറ്റർ ചുറ്റളവിലുള്ള പ്രദേശവാസികൾക്ക് ലഭ്യമായിരുന്ന സൗജന്യ യാത്രാ നിഷേധത്തിൽ പ്രതിഷേധിച്ച് യു.ഡി.എഫ് ആഹ്വാനം ചെയ്ത പുതുക്കാട് നിയോജക മണ്ഡലം പൊതുപണിമുടക്ക് ഹർത്താലായി. കടകമ്പോളങ്ങൾ അടഞ്ഞുകിടന്നു. ടാക്‌സികൾ, ഓട്ടോറിക്ഷ, സ്വകാര്യ ബസുകൾ എന്നിവ സർവീസ് നടത്തിയില്ല. ബാങ്കുകൾ, സർക്കാർ,സ്വകാര്യ സ്ഥാപനങ്ങൾ, പെടോൾ പമ്പുകൾ തുടങ്ങിയവ തുറന്ന് പ്രവർത്തിച്ചില്ല. പണിമുടക്ക് സമാധാനപരമായിരുന്നു. ഒരിടത്തും അനിഷ്ട സംഭവങ്ങൾ റിപ്പോർട്ട് ചെയ്തിട്ടില്ല.