തിരുവനന്തപുരം: വക്കം സൗഹൃദ വേദിയുടെ 2020 പുതുവത്സരാഘോഷവും കുടുംബസംഗമവും 5ന് വൈകിട്ട് 4.30 മുതൽ ഹോട്ടൽ പ്രശാന്തിൽ നടക്കും. പ്രസിഡന്റ് സി.വി. സുരേന്ദ്രന്റെ അദ്ധ്യക്ഷതയിൽ കൂടുന്ന യോഗത്തിൽ മുല്ലക്കര രത്‌നാകരൻ എം.എൽ.എ പരിപാടികളുടെ ഉദ്ഘാടന കർമ്മം നിർവഹിക്കും. കേരള യൂണിവേഴ്സിറ്റിയിൽ നിന്നും ആയുർവേദത്തിൽ പിഎച്ച്.ഡി കരസ്ഥമാക്കിയ വക്കം സൗഹൃദവേദി അംഗം ഡോ. പ്രിയ. എസിനെയും കേരള സർവകലാശാലയിൽ നിന്നും സംസ്‌കൃതം എം.എയിൽ സെക്കൻഡ് റാങ്ക് നേടിയ വക്കം പുതുവിളാകത്ത് സരിഗാ സുരേഷിനെയും അനുമോദിക്കും. വക്കം പഞ്ചായത്ത് പ്രസിഡന്റ് എസ്. വേണുജി, എൻ. റാം, എ. സലിം, മിനി ഗോപിനാഥ് എന്നിവർ ആശംസ പറയും. ട്രഷറർ കെ.ബി. മുകുന്ദന്റെ നേതൃത്വത്തിൽ അവതരിപ്പിക്കുന്ന കരോക്കെ ഗാനമേളയും വക്കം സൗഹൃദവേദി അംഗങ്ങളുടെ വിവിധ കലാപരിപാടികളും ഉണ്ടായിരിക്കും. സെക്രട്ടറി ആർ. സുമേധൻ സ്വാഗതവും ജോയിന്റ് സെക്രട്ടറി പ്രൊഫ. ആർ. ഹരീന്ദ്രബാബു നന്ദിയും പറയും.