വെള്ളറട: നെഹ്റു യുവകേന്ദ്രയുടെ ജില്ലയിലെ മികച്ച യൂത്ത് ക്ളബിനുള്ള പുരസ്കാരം കിളിയൂർ സാഗര ഗ്രന്ഥശാലയ്ക്ക്. 2018 - 19 കാലയളവിൽ നടത്തിയ പ്രവർത്തനങ്ങൾ കണക്കിലെടുത്താണ് കേന്ദ്രയുവജന ക്ഷേമ കായിക മന്ത്രാലയം ഏർപ്പെടുത്തിയ പുരസ്കാരം നൽകിയത്. 25000 രൂപയും പ്രശസ്തി പത്രവും ഫലകവും അടങ്ങുന്നതാണ് പുരസ്കാരം. 1992ൽ സാംസ്കാരിക കേന്ദ്രമായി തുടക്കം കുറിച്ച സാഗരയിൽ പിന്നീട് ഗ്രന്ഥശാലയും ആരംഭിച്ചു. ഇപ്പോൾ പരിസ്ഥിതി സംരക്ഷണം,​ തൊഴിൽ പരിശീലനം, പി.എസ്.സി കോച്ചിംഗ് സെന്റർ , സാഗര സ്കൂൾ ഓഫ് അർട്സ്, കമ്പടി അക്കാഡമി, ബാലവേദി, യൂത്ത് ക്ളബ്, വനിതാ വേദി, വയോജന വേദി, എന്നിവയും പ്രവർത്തിക്കുന്നുണ്ട്.