തിരുവനന്തപുരം: കളിയിക്കാവിളയിൽ തമിഴ്‌നാട് പൊലീസിലെ എ.എസ്.ഐയെ വെടിവച്ചുകൊന്ന സംഭവത്തിലെ പ്രതികളെന്ന് സംശയിക്കുന്ന തമിഴ്‌നാട് നാഗർകോവിൽ സ്വദേശികളായ തൗഫീക്ക്, ഷെമീം എന്നിവരെ കുറിച്ച് വിവരം നൽകുന്നവർക്ക് ഡി.ജി.പി ലോക്‌നാഥ് ബെഹ്‌റ പാരിതോഷികം പ്രഖ്യാപിച്ചു.

രണ്ടുപേർക്കും 25 നും 30 നും ഇടയ്ക്കാണ് പ്രായം. അഞ്ചര അടിയോളം പൊക്കവും ആനുപാതികമായ വണ്ണവുമുണ്ട്. ഇവരെക്കുറിച്ച് എന്തെങ്കിലും വിവരം ലഭിക്കുന്നവർ ഡി.ജി.പിയുടെ കൺട്രോൾ റൂമിലെ 0471 2722500, 9497900999 എന്നീ നമ്പരുകളിൽ അറിയിക്കണം. വിവരങ്ങൾ നൽകുന്നവരുടെ പേരുവിവരങ്ങൾ രഹസ്യമായി സൂക്ഷിക്കും.