തിരുവനന്തപുരം: അദ്ധ്വാനക്ഷമത വർദ്ധിപ്പിച്ച്,​ ഇന്ത്യയുടെ ജി.ഡി.പി വളർച്ചയെ ഉണർവിന്റെ ട്രാക്കിലേക്ക് തിരിച്ചെത്തിക്കാമെന്ന് ഇന്ത്യാ റേറ്റിംഗ്‌സ് ആൻഡ് റിസർച്ചിന്റെ വിശകലനം. ജി.ഡി.പി വളർച്ച,​ നടപ്പു സാമ്പത്തിക വർഷം ദശാബ്‌ദത്തിലെ ഏറ്റവും താഴ്‌ന്ന നിരക്കായ അഞ്ചു ശതമാനത്തിലേക്ക് താഴുമെന്ന നിരീക്ഷണങ്ങൾക്കിടെയാണ് ഈ വിലയിരുത്തൽ.

5.2 ശതമാനമാണ് ഇപ്പോൾ ഇന്ത്യയുടെ അദ്ധ്വാനക്ഷമതാ നിരക്ക്. ഇത്,​ 6.3 ശതമാനമായാൽ ജി.ഡി.പി വളർച്ച എട്ട് ശതമാനത്തിലെത്തിക്കാം. അദ്ധ്വാനക്ഷമതാ നിരക്ക് 7.3 ശതമാനമായാൽ ജി.ഡി.പി ഒമ്പത് ശതമാനം വളരും.

2005-2008 കാലയളവിൽ അദ്ധ്വാനക്ഷമതാ നിരക്ക് 8.5ശതമാനമായിരുന്നു. 2008ലെ ആഗോള മാന്ദ്യത്തെ തുടർന്ന് നിരക്കിടിഞ്ഞു. 2011- 2015ൽ ഇത് അഞ്ചു ശതമാനമായി. ഇപ്പോൾ 5.2 ശതമാനം.

അദ്ധ്വാനക്ഷമത?​

ആകെ ഉത്പാദനത്തെ തൊഴിലാളികളുടെ എണ്ണത്തെയും മണിക്കൂറിനെയും കൊണ്ട് ഹരിക്കുന്നതാണിത്. ഒരു തൊഴിലാളിയുടെ ഉത്പാദന ക്ഷമതയും രാജ്യത്തിന്റെ അദ്ധ്വാന ക്ഷമതയും ഒന്നല്ല.

അദ്ധ്വാനക്ഷമത കൂട്ടാൻ

 നിക്ഷേപം വർദ്ധിപ്പിക്കുക

 ആധുനിക സാങ്കേതികവിദ്യ ഉപേയാഗിക്കുക

 മാനവ വിഭവശേഷി ഉയർത്തുക