കല്ലമ്പലം: ആറ്റിങ്ങൽ കരുണാലയത്തിലെ അറുപതോളം അന്തേവാസികൾക്ക് കെ.ടി.സി.ടി ഹയർസെക്കൻഡറി സ്കൂളിലെ സ്കൗട്ട്സ് ആൻഡ് ഗൈഡ്സ് വിദ്യാർത്ഥികൾ സ്നേഹ വിരുന്നുമായെത്തി. കെ.ടി.സി.ടി ചെയർമാൻ പി.ജെ. നഹാസ്, സ്കൗട്ട്സ് ആന്റ് ഗൈഡ്സ് പ്രോഗ്രാം ഓഫീസർമാരായ ബി.ആർ. സഫീന, എസ്. ഷാൻ, അദ്ധ്യാപകർ എന്നിവരും വിദ്യാർത്ഥികളോടൊപ്പമുണ്ടായിരുന്നു. മധുരപലഹാരങ്ങളും അന്തേവാസികൾക്ക് ഒരു ദിവസത്തേക്ക് വേണ്ട എല്ലാവിധ ഭക്ഷണങ്ങളും സ്കൗട്ട്സ് ആൻഡ് ഗൈഡുകൾ കരുതിയിരുന്നു. കൂടാതെ കരുണാലയത്തിലെ ഭിന്നശേഷിക്കാർ ഉൾപ്പെടെയുള്ളവരുമായി പാട്ടു പാടിയും, കലാപരിപാടികൾ നടത്തിയും, അന്തേവാസികളോടൊപ്പം ഭക്ഷണം കഴിച്ചും, അന്തേവാസികളിൽ ചിലരുടെ ജന്മദിനാഘോഷത്തിൽ പങ്കെടുത്തും മണിക്കൂറുകൾ ചെലവഴിച്ച് പുതുവത്സരാശംസകൾ നേർന്നാണ് വിദ്യാർത്ഥികൾ മടങ്ങിയത്.