കിളിമാനൂർ:ബി.സത്യൻ എം.എൽ.എയുടെ ആസ്തി വികസന ഫണ്ടിൽ നിന്നും അറുപത് ലക്ഷം രൂപ ചെലവഴിച്ച് അടയമൺ പ്രൈമറി ഹെൽത്ത് സെന്ററിൽ നിർമ്മിക്കുന്ന പുതിയ കെട്ടിടത്തിന്റെ നിർമ്മാണോദ്ഘാടനം മന്ത്രി കടകംപള്ളി സുരേന്ദ്രൻ നിർവഹിച്ചു.ബി.സത്യൻ എം .എൽ.എ അദ്ധ്യക്ഷത വഹിച്ചു.പഞ്ചായത്ത് പ്രസിഡന്റ് പി.ലാലി സ്വാഗതം പറഞ്ഞു.ബ്ലോക്ക് പഞ്ചായത്ത് പ്രസിഡന്റ് ശ്രീജാ ഷൈജു ദേവ്,ജില്ലാ പഞ്ചായത്തംഗം ഡി.സ്മിത,പഞ്ചായത്ത് വൈസ് പ്രസിഡന്റ് കെ.രാജേന്ദ്രൻ,ബ്ലോക്ക് മെമ്പർമാരായ യഹിയ,ബാബു കുട്ടൻ.പഞ്ചായത്തംഗങ്ങളായ ഷിബു,ധരളിക,രതിഷ്,കുടുംബശ്രീ ജില്ലാ മിഷൻ കോഒാനേറ്റർ,ഷൈജു എന്നിവർ സംസാരിച്ചു.മെഡിക്കൽ ഓഫീസർ ഷീജ നന്ദിയും പറഞ്ഞു.