തിരുവനന്തപുരം: മൂന്നാമത് ദേശീയ സിദ്ധ ദിനാചരണത്തോടനുബന്ധിച്ചുള്ള ആഘോഷ പരിപാടികളുടെ സംസ്ഥാനതല ഉദ്ഘാടനം ഇന്ന് ചന്ദ്രശേഖരൻ നായർ സ്റ്റേഡിയത്തിൽ വി.കെ പ്രശാന്ത് എം.എൽ.എ നിർവഹിക്കും. രാവിലെ 11ന് നടക്കുന്ന ചടങ്ങിൽ മേയർ കെ. ശ്രീകുമാർ അദ്ധ്യക്ഷത വഹിക്കും. ആയുഷ് വകുപ്പ് സെക്രട്ടറി ഡോ. ശർമിള മേരി ജോസഫ്, നാഷണൽ ആയുഷ് മിഷൻ ഡയറക്ടർ ഡോ. നവജോത് ഖോസ, ഭാരതീയ ചികിത്സാവകുപ്പ് ഡയറക്ടർ ഡോ. കെ.എസ്. പ്രീയ, ഹോമിയോപ്പതി വകുപ്പ് ഡയറക്ടർ ഡോ. കെ. ജമുന, ആയുർവേദ മെഡിക്കൽ വിദ്യാഭ്യാസ വകുപ്പ് ഡയറക്ടർ ഡോ. ജോളികുട്ടി ഈപ്പൻ തുടങ്ങിയവർ സംബന്ധിക്കും. ഉച്ചയ്ക്ക് 2 മുതൽ പൂജപ്പുര സരസ്വതീമണ്ഡപത്തിൽ സൗജന്യ മെഡിക്കൽ ക്യാമ്പ് നടക്കും.ആയുഷ് വകുപ്പിന്റെയും നാഷണൽ ആയുഷ് മിഷന്റെയും കേന്ദ്ര സർക്കാരിന്റെ കീഴിലുള്ള പ്രാദേശിക സിദ്ധ ഗവേഷണ കേന്ദ്രത്തിന്റെയും സംയുക്താഭിമുഖ്യത്തിലാണ് ആഘോഷം.