തിരുവനന്തപുരം: മെഡിക്കൽ കോളേജ് എസ്.എ.ടി ആശുപത്രിയിലെ നവീകരിച്ച അത്യാധുനിക സൗകര്യങ്ങളോടുകൂടിയ പീഡിയാട്രിക് അത്യാഹിതവിഭാഗം പ്രവർത്തനസജ്ജമായി. അത്യാഹിതവിഭാഗത്തിന്റെയും അനുബന്ധ സൗകര്യങ്ങളുടെയും ഉദ്ഘാടനം നാളെ ഉച്ചയ്ക്ക് 12ന് മന്ത്രി കെ.കെ. ശൈലജ നിർവഹിക്കും. പഴയ ഗൈനിക് ഒ.പി 70ലക്ഷം രൂപ ചെലവഴിച്ചാണ് നവീകരിച്ചത്. മെഡിക്കൽ റെക്കാഡ്സ് ലൈബ്രറി, കെ.എ.എസ്.പി കൗണ്ടർ, മിഠായി ക്ലിനിക്ക്, അൾട്രാസൗണ്ട് സ്‌കാനിംഗ് മെഷീൻ എന്നിവയുടെ ഉദ്ഘാടനവും മന്ത്രി നിർവഹിക്കും.
സൗകര്യങ്ങൾ
3 എമർജൻസി കിടക്കകൾ
ട്രാൻസ്‌പോർട്ട് വെന്റിലേറ്റർ
മോണിറ്ററുകൾ
പോർട്ടബിൾ സ്‌കാനിംഗ് മെഷീൻ
രോഗികൾക്കും കൂട്ടിരിപ്പുകാർക്കും ടി.വി, കുടിവെള്ളം, ടോയ്ലെറ്റ്
കാത്തിരിപ്പ് കേന്ദ്രം
വയറിളക്കമുളള രോഗികൾക്ക് നിരീക്ഷണ മുറി
ഒരുദിവസം അഡ്മിറ്റ് ആകാതെ ചികിത്സതേടാം
35ലക്ഷം രൂപ വിലയുള്ള പുതിയ അൾട്രാസൗണ്ട് സ്‌കാനിംഗ് മെഷീൻ
16 ലക്ഷം രൂപ ചെലവഴിച്ച് ഡിസീസ് കോഡ് അനുസരിച്ച് നവീകരിച്ച മെഡിക്കൽ റെക്കാഡ്സ് ലൈബ്രറി
ടൈപ്പ് 1പ്രമേഹ രോഗം ബാധിച്ച കുട്ടികൾക്കായുള്ള മിഠായി ക്ലിനിക്
ക്ലിനിക്കിൽ രജിസ്റ്റർ ചെയ്തിട്ടുളള കുട്ടികൾക്ക് ഇൻസുലിൻ, കുത്തിവയ്ക്കാനുളള പേന, ഗ്ലൂക്കോമീറ്റർ, സ്ട്രിപ്പുകൾ ഇൻസുലിൻ പമ്പ്