തിരുവനന്തപുരം: കായികയുവജനക്ഷേമ വകുപ്പിന് വേണ്ടി ജില്ലാ സ്‌പോർട്‌സ് കൗൺസിൽ നടത്തുന്ന ജില്ലാതല ബീച്ച് വോളിബാൾ മത്സരം 15ന് കോവളം ബീച്ചിൽ മന്ത്രി ഇ.പി. ജയരാജൻ ഉദ്ഘാടനം ചെയ്യും. കോവളം സീറോക്ക് ബീച്ചിൽ ഫ്‌ളഡ് ലൈറ്റിലാണ് മത്സരം. 18 വയസിനു മുകളിലുളള പുരുഷന്മാർക്കും 16 വയസിനു മുകളിലുളള വനിതകൾക്കും പങ്കെടുക്കാം. ഉയർന്ന പ്രായപരിധി ഇല്ല. ഒന്നും, രണ്ടും, മൂന്നും സ്ഥാനം നേടുന്ന ടീമിന് യഥാക്രമം 15000,10000, 5000 രൂപയുടെ കാഷ് പ്രൈസ് നൽകും. കൂടുതൽ വിവരങ്ങൾക്ക് ജില്ലാ സ്‌പോർട്‌സ് കൗൺസിൽ ഓഫീസുമായി ബന്ധപ്പെടണം. ഫോൺ: 0471 2331720, 8921133042.