തിരുവനന്തപുരം : ദേശീയ പൾസ് പോളിയോ ഇമ്മ്യൂണൈസേഷൻ പദ്ധതിയുടെ ഭാഗമായി സംസ്ഥാനത്തെ അഞ്ചു വയസിൽ താഴെയുള്ള 25 ലക്ഷത്തോളം കുട്ടികൾക്ക് ഇന്ന് തുള്ളിമരുന്ന് നൽകും. ഒരേ ദിവസം തുള്ളിമരുന്ന് നൽകുന്നതിലൂടെ രോഗസംക്രമണം തടയുകയാണ് ലക്‌ഷ്യം. ഇന്ത്യയിൽ 2011ൽ പശ്ചിമബംഗാളിലാണ് പോളിയോ അവസാനമായി റിപ്പോർട്ട് ചെയ്തത്.

 ബൂത്തുകൾ : 24,247

സർക്കാർ -സ്വകാര്യ ആശുപത്രികൾ, ആരോഗ്യ കേന്ദ്രങ്ങൾ, അങ്കണവാടികൾ, സ്‌കൂളുകൾ, വായനശാലകൾ എന്നിവിടങ്ങളിലാണ് ബൂത്തുകൾ (രാവിലെ 8 മുതൽ വൈകിട്ട് 5 വരെ )

ട്രാൻസിറ്റ് ബൂത്ത്
യാത്രപോകുന്നവർക്കായി ബസ് സ്റ്റാൻഡ്, റെയിൽവേ സ്റ്റേഷൻ, വിമാനത്താവളം, ബോട്ടുജെട്ടി എന്നിവിടങ്ങളിൽ

മൊബൈൽ ബൂത്ത്
അന്യസംസ്ഥാന തൊഴിലാളി ക്യാമ്പുകളിലെ കുട്ടികൾക്കായി

ഭവന സന്ദർശനം
ഇന്ന് തുള്ളിമരുന്ന് നൽകാൻ കഴിയാത്ത കുട്ടികൾക്ക് 20, 21 തീയതികളിൽ വോളന്റിയർമാർ വീടുകളിലെത്തി നൽകും. ടീമുകൾ: 24,247

ആർക്കൊക്കെ
പ്രതിരോധ ചികിത്സാ പട്ടിക പ്രകാരം പോളിയോ വാക്സിൻ നൽകിയിട്ടുള്ള കുട്ടികൾക്കും നവജാത ശിശുക്കൾക്കും

'യാതൊരു പാർശ്വഫലവുമില്ലാത്തതാണ് പോളിയോ തുള്ളിമരുന്ന് "

-ഡോ .വി. ആർ .രാജു,
അഡി. ഹെൽത്ത് ഡയറക്ടർ