നെയ്യാറ്റിൻകര :ദേശീയ പൗരത്വ ബില്ലിനെതിരെ നെയ്യാറ്റിൻകര മഹൽകോ‌ഡിനേഷൻ കമ്മിറ്റിയുടെ നേതൃത്വത്തിൽ നെയ്യാറ്റിൻകര മുനിസിപ്പൽ സ്റ്റേഡിയത്തിൽ നടന്ന പൊതു സമ്മേളനം എം.ഉബൈദുള്ള എം.എൽ.എ ഉദ്ഘാടനം ചെയ്തു.മഹൽകോഡിനേഷൻ കമ്മിറ്റി ചെയർമാൻ ജെ.എം. സുബൈർ അദ്ധ്യക്ഷനായിരുന്നു. കെ.ആൻസലൻ എം.എൽ.എ, സി.കെ.ഹരീന്ദ്രൻ എം.എൽ.എ, സി.പി.എം.ഏരിയാ സെക്രട്ടറി പി.കെ.രാജ്മോഹൻ, നഗരസഭാ വൈസ് ചെയർമാൻ കെ.കെ.ഷിബു തുടങ്ങിയവർ പങ്കെടുത്തു.ടൗണിൽ പ്രകടനം നടത്തി. താലൂക്കിലെ വിവിധ മുസ്ലീം സംഘടനകളടെ നേതൃത്വത്തിൽ നടന്ന പ്രകടനത്തിൽ പതിനായിരങ്ങൾ പങ്കെടുത്തു.അമരവിളയിൽ നിന്നും ആരംഭിച്ച പ്രകടനം നെയ്യാറ്റിൻകര ടി.ബി ജംഗ്ഷന് സമീപമുള്ള മുനിസിപ്പൽ സ്റ്റേഡിയത്തിൽ സമാപിച്ചു.