കാട്ടാക്കട: കാട്ടാക്കട ജീവനം ചർച്ചാവേദിയുടെ 12ാം വാർഷികവും അവാർഡ് ദാനവും ഐ.ബി. സതീഷ്. എം.എൽ.എ ഉദ്ഘാടനം ചെയ്തു. പ്രസിഡന്റ് വി. രാമചന്ദ്രൻ നായർ അദ്ധ്യക്ഷത വഹിച്ചു. ഡോ. ജെ. ഹരീന്ദ്രൻ നായർ മുഖ്യ പ്രഭാഷണം നടത്തി. ചടങ്ങിൽ ഭാഷാ ഇൻസ്റ്റിറ്റ്യൂട്ട് ഡയറക്ടർ പ്രൊഫ. വി. കാർത്തികേയൻ നായർ ഡോ. എൽ.ആർ. മധുജന് 2020ലെ ജീവനീയം അവാർഡ് സമ്മാനിച്ചു. പ്രൊഫ. ഉത്തരംകോട് ശശി, പങ്കജകസ്തൂരി മെഡിക്കൽ കോളേജ് ഡീൻ ഡോ. സുന്ദരൻ, റിട്ട. ജില്ലാ ജഡ്ജ് എ.കെ. ഗോപകുമാർ, വാർഡ് മെമ്പർ ബ്രിജിത്ത് കുമാർ, പ്രൊഫ. എൻ. രഘുവരൻ നായർ, സി. രമാദേവി, ഡോ. സജിതാഭദ്രൻ, ഡോ.എൽ.ആർ. മധുജൻ, ആരഭി ശാന്ത, ഡോ. കസ്തൂരി, ഡോ. കാവേരി എന്നിവർ സംസാരിച്ചു.