കിളിമാനൂർ: സി.പി.എം നേതാവ് സുകുമാരൻ മാസ്റ്ററുടെ 35ാം ചരമദിനാചരണവും പുഷ്പാർച്ചനയും നടന്നു. അദ്ദേഹത്തിന്റെ സഹധർമ്മിണിയും, മുൻ കിളിമാനൂർ പഞ്ചായത്ത് പ്രസിഡന്റും,​ സി.പി.എം നേതാവുമായ തുളസിഭായി ടീച്ചറെ ബി.സത്യൻ എം.എൽ.എയുടെ നേതൃത്വത്തിൽ വസതിയിലെത്തി ആദരിച്ചു. തുടർന്ന് 2020ലെ ആറ്റിങ്ങൽ മണ്ഡലത്തിൽ നടപ്പിലാക്കിയ വികസന പ്രവർത്തനങ്ങൾ അടങ്ങിയ കലണ്ടർ എം.എൽ.എ തുളസി ഭായ് ടീച്ചർക്ക് നൽകി പ്രകാശനം ചെയ്തു. സി.പി.എം ഏരിയാ സെക്രട്ടറി അഡ്വ എസ്.ജയചന്ദ്രൻ,​എൽ.സി സെക്രട്ടറി വി.പ്രകാശ്, പഞ്ചായത്ത് പ്രസിഡന്റ് രാജലക്ഷമി അമ്മാൾ, കസ്തുർബാ ബാങ്ക് പ്രസിഡന്റ് വിദ്യാനന്ദകുമാർ, ബ്ലോക്ക് മെമ്പർ മാലതി എന്നിവർ ചടങ്ങിൽ പങ്കെടുത്തു.