പാലോട്: പാസ് ഇല്ലാതെ ലോറിയിൽ അനധികൃതമായി കൊണ്ട് വന്ന തേക്കിൻ തടിയും ലോറിയും ഫോറസ്റ്റ് സ്പെഷ്യൽ സ്കോഡ് പിടികൂടി. പത്തനംതിട്ട ഓമല്ലൂർ നിന്നു വന്ന ലോറി നെടുമങ്ങാട് വേങ്കവിളയ്ക്കു സമീപത്തുവച്ചാണ് ഫോറസ്റ്റ് ഫ്ളയിം സ്‌കോഡ് പിടികൂടിയത്. ലോറിയിൽ ഉണ്ടായിരുന്ന ശശികുമാർ ചെട്ടിയാർ (53), സതീഷ് കുമാർ.പി (46), റോബിൻ സൻ ജി.എൻ (33) എന്നിവരെ അറസ്റ്റ് ചെയ്തു. ഫോറസ്റ്റ് റേഞ്ച് ഓഫിസർ ബ്രിജേഷ് ആണ് പരിശോധനയ്ക്ക് നേതൃത്വം നൽകിയത്. ഫോറസ്റ്റ് ഉദ്യോഗസ്ഥരായ തുളസിധരൻ നായർ, ബി.എഫ്.ഒ മാരായ, ദീപക് മോഹനൻ, പ്രവീൺ കുമാർ, ഡ്രൈവർ ജോഷി ജോൺ എന്നിവരുടെ നേതൃത്വത്തിലാണ് വാഹനം കസ്റ്റഡിയിൽ എടുത്തത്. മേൽ നടപടികൾക്കായി പ്രതികളെയും വാഹത്തേയും പാലോട് റേഞ്ച് ഓഫീസിലേക്ക് കൈമാറി.