കിളിമാനൂർ: കല്ലാറിൽ മുങ്ങിമരിച്ച ലണ്ടൻകാരനായ മലയാളി പ്രശോഭ് കുമാറിന്റെ സംസ്കാരം ഇന്ന് ഉച്ചയ്ക്ക് 2.30 ന് പഴയകുന്നുമ്മൽ സന്തോഷ് ഭവനിൽ നടക്കും. കിളിമാനൂർ കക്കാക്കുന്ന് കൃഷ്ണാലാൻഡിൽ പ്രശോഭ് കുമാർ (54) ഞായറാഴ്ച സുഹൃത്തുക്കളോടൊപ്പം പൊൻമുടി കല്ലാറിൽ കുളിക്കവെ കയത്തിൽ മുങ്ങിമരിക്കുകയായിരുന്നു . അഞ്ചുദിവസം മുൻപാണ് പ്രശോഭ് കുമാർ ലണ്ടനിലെ രണ്ട് സുഹൃത്തുക്കളുമായി നാട്ടിലെത്തിയത്. ഞായറാഴ്ച ഉച്ചയോടെ നാട്ടിലുള്ള മറ്റ് സുഹൃത്തുക്കളുമായി ഇവർ പൊന്മുടിയിലേക്ക് പോകുകയും കല്ലാറിൽ കുളിക്കാൻ ഇറങ്ങുകയുമായിരുന്നു. കയത്തിൽ മുങ്ങിയ പ്രശോഭ് കുമാറിനെ നാട്ടുകാർ പുറത്തെടുത്ത് വിതുര താലൂക്ക് ആശുപത്രയിൽ എത്തിച്ചെങ്കിലും ജീവൻ രക്ഷിക്കാനായില്ല. ഭാര്യ: വീണ. മക്കൾ: പ്രവീൺ,​ പ്രിയ.