ബാലരാമപുരം: തേമ്പാമുട്ടം ഒരുമ റസിഡന്റ്സ് അസോസിയേഷൻ ജംഗ്ഷനിൽ സ്ഥാപിച്ചിരുന്ന സി.സി ടിവി കാമറ മോഷ്ടിച്ച കേസിൽ രണ്ടുപേരെ ബാലരാമപുരം പൊലീസ് അറസ്റ്റുചെയ്‌തു. ഇടക്കോണം തോട്ടിൻകര വീട്ടിൽ സിൽക്ക് അനി എന്ന അനി (38)​,​ തേമ്പാമുട്ടം പണയിൽ പുത്തൻവീട്ടിൽ അജി എന്ന രാജേഷ് (42)​ എന്നിവരാണ് അറസ്റ്റിലായത്. ബാലരാമപുരം സി.ഐ ജി. ബിനു,​ എസ്.ഐ വിനോദ് കുമാർ,​ ഗ്രേഡ് എ.എസ്.ഐ സജീവ്,​ പ്രശാന്ത്,​ സി.പി.ഒ ശ്രീകാന്ത് എന്നിവരടങ്ങുന്ന സംഘമാണ് പ്രതികളെ പിടികൂടിയത്. പ്രതികളെ റിമാൻഡ് ചെയ്‌തു. 20ന് പുലർച്ചെയായിരുന്നു സംഭവം.

ഫോട്ടോ: റിമാൻഡിലായ അനിയും രാജേഷും