ചിറയിൻകീഴ്:ചിറയിൻകീഴീലെ വിശ്വശ്രീ ഡി.കെ ചാരിറ്റബിൾ ട്രസ്റ്റ് സംഘടിപ്പിച്ച മകരനിലാവ് പുരസ്കാര വിതരണം ചെയ്തു. ചലച്ചിത്ര മേഖലയിലെ സംഭാവനയ്ക്കുള്ള പുരസ്കാരം ചലച്ചിത്രതാരം ശ്രീലത നമ്പൂതിരി ചിറയിൻകീഴ് ബ്ലോക്ക് പഞ്ചായത്ത് പ്രസിഡന്റ് ആർ.സുഭാഷിൽ നിന്നും ഏറ്റുവാങ്ങി. പുരസ്കാര രാവ് അഡ്വ.വി.ജോയി എം.എൽ.എ ഉദ്ഘാടനം ചെയ്തു.ശ്രീലത നമ്പൂതിരിയുടെ സിനിമാ ജീവിതത്തിലെ അമ്പതാം വാർഷികം ആഘോഷിച്ചു.സാമൂഹ്യരത്നാ പുരസ്കാരം ടിഫാനി,ആരോഗ്യ രത്ന പുരസ്കാരം ഡോ.ഷർമദ്ഖാൻ,നടനരത്ന സീരിയൽ താരം ശ്രീറാം രാമചന്ദ്രൻ,കാവ്യരത്ന അൻസാർ വർണന,കാർഷിക രത്ന അസീസ്,സ്പെഷ്യൽ ജൂറി സീരിയൽ താരം വിവേക് ഗോപൻ,എന്റർപ്രിണർ പുരസ്കാരം ഷിയാസ് ഖാൻ എന്നിവർ ഏറ്റുവാങ്ങി. നിർദ്ധനരായ രണ്ട് യുവതികൾക്ക് ട്രസ്റ്റിന്റെ 10 പവൻ സ്വർ‌ണം അഡ്വ.വി.ജോയി വിതരണം ചെയ്തു.ട്രസ്റ്റ് ചെയർമാൻ മിഥുൻ.എം.എസ് കുറുപ്പ്, പ്രസിഡന്റ് അനിൽകുമാർ, ജനറൽ സെക്രട്ടറി സന്തോഷ്, അഡ്വൈസർ സാജൻ തുടങ്ങിയവർ പങ്കെടുത്തു.