നെയ്യാറ്റിൻകര:കുറ്റിയായണിക്കാട് കിഴക്കൻമല രാഹുൽ മെമ്മോറിയൽ ആർട്സ് ആൻഡ് സ്‌പോർട്സ് ക്ലബ് വാർഷികവും സാന്ത്വനം 2020 പരിപാടിയും 28ന് വൈകിട്ട് 5ന് പെരുങ്കടവിള പഞ്ചായത്ത് ആഡിറ്റോറിയത്തിൽ സി.കെ.ഹരീന്ദ്രൻ എം.എൽ.എ ഉദ്ഘാടനം ചെയ്യും.ജില്ലാ പഞ്ചായത്ത് അംഗം ഡോ.ഗീതാരാജശേഖരൻ,പെരുങ്കടവിള പഞ്ചായത്ത് പ്രസിഡന്റ് സുനിത,ആര്യങ്കോട് പഞ്ചായത്ത് പ്രസിഡന്റ് അനിൽ,വാർഡ് മെമ്പർമാരായ പ്രഭാകരൻ,അഖിൽ,ഇടത്തല ശ്രീകുമാർ തുടങ്ങിയവർ പങ്കെടുക്കും. വിശിഷ്ടസേവനത്തിന് മുഖ്യമന്ത്രിയുടെ പൊലീസ് മെഡൽനേടിയ രജിത്കുമാറിനെ ആദരിക്കും.26ന് രാവിലെ 10 മുതൽ കിഴക്കൻമല റോഡിൽ വിദ്യാർത്ഥികൾക്കായി കലാകായികമത്സരവും,ഉച്ചയ്ക്ക് ഒന്നിന് ഭക്ഷണവും വിതരണം ചെയ്യും.