കിളിമാനൂർ: പൗരത്വ ഭേദഗതി നിയമത്തിനും പൗരത്വ രജിസ്റ്ററിനുമെതിരെ പള്ളിക്കൽ ജംഗ്ഷനിൽ ഭരണഘടനാ സംരക്ഷണ കൂട്ടായ്മ സംഘടിപ്പിച്ചു. കക്ഷി രാഷ്ട്രീയത്തിന് അതീതമായി ആയിരക്കണക്കിന് പേരാണ് എൻ.ആർ.സി വിരുദ്ധ മുദ്രാവാക്യവുമായി അണിചേർന്നത്. സമ്മേളനം അഡ്വ. രശ്മിത രാമചന്ദ്രൻ ഉദ്ഘാടനം ചെയ്തു. സ്വാഗതസംഘം ചെയർമാൻ അടുക്കൂർ ഉണ്ണി അദ്ധ്യക്ഷനായി. ആൾ ഇന്ത്യാ കിസാൻ സഭാ അഖിലേന്ത്യാ ജോയിന്റ് സെക്രട്ടറി ബിജുകൃഷ്ണൻ, വി.ജോയി എം.എൽ.എ, സി.പി.എം ജില്ലാകമ്മറ്റിയംഗം അഡ്വ. മടവൂർ അനിൽ, ഐ .വൈ .എഫ് .ഐ ജില്ലാ പ്രസിഡന്റ് ആനന്ദ് കുമാർ, കോൺഗ്രസ് നേതാവ് പള്ളിക്കൽ നിസാം, മുസ്ലീം ലീഗ് നേതാവ് തോന്നയ്ക്കൽ ജമാൽ, കെ.പി.എം.എസ് സംസ്ഥാന ജോയിന്റ് സെക്രട്ടറി ആലംകോട് സുരേന്ദ്രൻ, സജീബ് ഹാഷിം, ടി. ബേബി സുധ, ഷീജ, അഡ്വ. എം.എസ് ഫെയിസി തുടങ്ങിയവർ സംസാരിച്ചു. സംഘാടകസമിതി ജനറൽ കൺവീനർ മുഹ്സിൻ സ്വാഗതവും എം. ഹസീന നന്ദിയും പറഞ്ഞു .
ചിത്രം : പള്ളിക്കൽ സംഘടിപ്പിച്ച ഭരണഘടനാ സംരക്ഷണകൂട്ടായ്മ അഡ്വ. രശ്മിത രാമചന്ദ്രൻ ഉദ്ഘാടനം ചെയ്യുന്നു