തിരുവനന്തപുരം: പാലക്കാട് ജില്ലയിലെ ശൈവ വെള്ളാള (ചേരകുല വെള്ളാള, കാർകാർത്ത വെള്ളാള, ചോഴിയ വെള്ളാള, പിള്ളൈ) സമുദായത്തെ സംസ്ഥാന ഒ.ബി.സി. പട്ടികയിൽ ഉൾപ്പെടുത്താൻ മന്ത്രിസഭായോഗം തീരുമാനിച്ചു. അതോടൊപ്പം മറ്റു ജില്ലകളിൽ ശൈവ വെള്ളാള സമുദായം ഉണ്ടോ എന്ന് പരിശോധിക്കാനും നിശ്ചയിച്ചു.
ഒല്ലൂർ ആയുർവേദ കോളേജിൽ പി.ജി. ഡിപ്ലോമ കോഴ്‌സ്
ഒല്ലൂർ വൈദ്യരത്‌നം ആയുർവേദ കോളേജിൽ പോസ്റ്റ് ഗ്രാഡ്വേറ്റ് ഡിപ്ലോമ ഇൻ രസായൻ ആൻഡ് വാജികരൺ കോഴ്‌സ് ആരംഭിക്കുന്നതിന് അനുമതി നൽകി.
എൻ.എസ്.കെ. ഉമേഷ് വ്യവസായ ഡെപ്യൂട്ടി സെക്രട്ടറി
എൻ.എസ്.കെ. ഉമേഷിനെ വ്യവസായ വകുപ്പ് ഡെപ്യൂട്ടി സെക്രട്ടറിയായി നിയമിക്കാൻ തീരുമാനിച്ചു. ഇപ്പോൾ ശബരിമല എ.ഡി.എം ആണ്. കെ.എസ്.ഐ.ഡി.സി നിക്ഷേപ സെല്ലിന്റെ എക്‌സിക്യൂട്ടീവ് ഡയറക്ടറുടെ ചുമതലയും ഉമേഷിനായിരിക്കും.