നെടുമങ്ങാട്: ക്ഷീര കർഷകരുടെ ദുരിതം അധികാരികളുടെ ശ്രദ്ധയിൽപ്പെടുത്താൻ കേരളകൗമുദി സംഘടിപ്പിക്കുന്ന 'കൗമുദീയം" ക്ഷീരകർഷക കൂട്ടായ്മയിൽ നന്ദിയോട് ജൈവാമൃതം കാർഷിക ടീമംഗങ്ങൾ നാടൻ വിഭവങ്ങൾ വിളമ്പും. കപ്പപുഴുക്ക്, പലതരം ചമ്മന്തി, ജാപ്പി തുടങ്ങിയ ഇനങ്ങളാണ് വിളമ്പുക. 30 ന് നെടുമങ്ങാട് റവന്യൂ ടവർ അങ്കണത്തിലാണ് കൂട്ടായ്മ. നെടുമങ്ങാട്,കാട്ടാക്കട താലൂക്കുകളിലെ 25 മാതൃകാ ക്ഷീരകർഷക ദമ്പതികളെയും മികച്ച ക്ഷീരോദ്‌പാദക സംഘം ഭാരവാഹികളെയും ജില്ലാ പഞ്ചായത്ത് പ്രസിഡന്റ് വി.കെ. മധു ആദരിക്കും. കേരളകൗമുദി യൂണിറ്റ് ചീഫ് കെ. അജിത്കുമാർ അദ്ധ്യക്ഷത വഹിക്കും. നെടുമങ്ങാട് ബ്ലോക്ക് ഡെയറി എക്സ്റ്റൻഷൻ ഓഫീസർ വി.ഒ. ബിജു, സീനിയർ വെറ്ററിനറി സർജൻ ഡോ. അനിൽകുമാർ, ഡോ. ഈശ്വരൻ, ഡോ. വേണുഗോപാൽ എന്നിവർ കർഷകരുടെ സംശങ്ങൾക്ക് മറുപടി നല്കും. നെടുമങ്ങാട് നഗരസഭ ചെയർമാൻ ചെറ്റച്ചൽ സഹദേവൻ, ബ്ലോക്ക് പ്രസിഡന്റുമാരായ ബി.ബിജു, കെ.പി. ചന്ദ്രൻ, ഗ്രാമ പഞ്ചായത്ത് പ്രസിഡന്റുമാർ, ക്ഷീരോത്പാദക സംഘം പ്രസിഡന്റുമാർ തുടങ്ങിയവർ പങ്കെടുക്കും. കൃഷി ഓഫീസർ എസ്. ജയകുമാർ മോഡറേറ്ററാവും. ക്ഷീരകർഷകർ 9946108375 എന്ന നമ്പരിൽ വിളിച്ച് പേര് രജിസ്റ്റർ ചെയ്യണം.