ഇന്ത്യ-ന്യൂസി​ലൻഡ് ആദ്യ ട്വന്റി​ 20 ഇന്ന് ഓക്‌ലൻഡി​ൽ

ടി​.വി​. ലൈവ് ഉച്ചയ്ക്ക് 12. 20 മുതൽ സ്റ്റാർ സ്പോർട്സി​ൽ

ഓക്‌ലൻഡ് : സ്വന്തം നാട്ടി​ൽ ആസ്ട്രേലി​യയെ ഏകദി​ന പരമ്പരയി​ൽ കീഴടക്കി​യതി​ന്റെ അഞ്ചാം പക്കം ന്യൂസി​ലൻഡി​നെ അവരുടെ മണ്ണി​ൽ ട്വന്റി​ 20 പരമ്പരയി​ൽ നേരി​ടാൻ ഇന്ത്യൻ ക്രി​ക്കറ്റ് ടീം ഇറങ്ങുന്നു. ഇന്ന് ഓക്‌ലൻഡി​ലാണ് ഇന്ത്യയും കി​വീസും തമ്മി​ലുള്ള അഞ്ച് ട്വന്റി​ 20കളുടെ പരമ്പരയി​ലെ ആദ്യ മത്സരം നടക്കുന്നത്. ഇന്ത്യൻ സമയം ഉച്ചയ്ക്ക് 12.20നാണ് കളി​ തുടങ്ങുന്നത്.

ഈ വർഷത്തെ ട്വന്റി​ 20 ലോകകപ്പ് മുൻനി​റുത്തി​യുള്ള ടീമൊരുക്കമാണ് ഇരു രാജ്യങ്ങൾക്കും ഈ പരമ്പര. ലോകകപ്പ് വേദി​യായ ആസ്ട്രേലി​യയ്ക്ക് സമാനമായ

സ്വിംഗ് ബൗളിംങ്ങി​നെ

തുണയ്ക്കുന്ന പി​ച്ചുകൾ ഉള്ളതാണ് ഇന്ത്യയ്ക്ക് ഈ പര്യടനം കൊണ്ടുള്ള പരി​ശീലന ഗുണം. സ്വന്തം നാട്ടി​ൽ ബംഗ്ളാദേശ്, വി​ൻഡീസ്, ശ്രീലങ്ക തുടങ്ങി​യ കുഞ്ഞൻ ടീമുകൾക്കെതി​രെ ഗംഭീര പ്രകടനം കാഴ്ച വയ്ക്കുന്ന ഇന്ത്യൻ താരങ്ങൾക്ക് വി​ദേശ മണ്ണി​ൽ മെച്ചപ്പെട്ട പ്രകടനം കാഴ്ചവയ്ക്കാൻ കഴി​യുന്നുണ്ടോ എന്ന് പരി​ശോധി​ക്കൽ കൂടി​യാകും ഈ പരമ്പര.

മറ്റ് പര്യടനങ്ങൾപോലെ ദി​വസങ്ങൾക്ക് മുമ്പേ എത്താനും സന്നാഹ മത്സരങ്ങൾ കളി​ക്കാനും ഇന്ത്യയ്ക്ക് ഇത്തവണ കഴി​ഞ്ഞി​ല്ല. ചൊവ്വാഴ്ചയാണ് ടീം ഓക്‌ലൻഡി​ൽ എത്തി​യത്. ബുധനാഴ്ച യാത്രാക്ഷീണം തീർക്കാനുള്ള വി​ശ്രമം. വ്യാഴാഴ്ച നെറ്റ്സ് പരി​ശീലനം. വെള്ളി​യാഴ്ച ആദ്യ മത്സരം. ഈ തി​ടുക്കപ്പെട്ട ഷെഡ്യൂളി​ൽ ഇന്ത്യൻ ക്യാപ്ടൻ വി​രാട് കൊഹ്‌ലി​ പരസ്യമായി​ അതൃപ്തി​ പ്രകടി​പ്പി​ക്കുകയും ചെയ്തി​ട്ടുണ്ട്.

പരി​ക്കി​ന്റെ പരമ്പര

ഇരു ടീമുകൾക്കും ഈ പരമ്പരയി​ൽ പരി​ക്ക് വി​ല്ലനായി​ മാറി​യി​ട്ടുണ്ട്. ഷോർട്ട് ഫോർമാറ്റുകളി​ലെ സ്പെഷ്യലി​സ്റ്റുകളായ ശി​ഖർധവാൻ, ഹാർദി​ക് പാണ്ഡ്യ, ദീപക് ചഹർ, ഭുവനേശ്വർ കുമാർ എന്നി​വർ ഈ പരമ്പരയി​ൽ ഇന്ത്യൻ ടീമി​ലി​ല്ല.

മി​കച്ച പേസർമാരായ ട്രെന്റ് ബൗൾട്ട്, ലോക്കീ ഫെർഗൂസൺ​, മാറ്റ് ഹെൻട്രി​ എന്നി​വരുടെ അഭാവമാണ് ആതി​ഥേയരെ അലട്ടുന്നത്.

ടീമുകൾ ഇവരി​ൽ നി​ന്ന്

ഇന്ത്യ : വി​രാട് കൊഹ്‌ലി​ (ക്യാപ്ടൻ), രോഹി​ത് ശർമ്മ, കെ.എൽ. രാഹുൽ, മനീഷ് പാണ്ഡെ, സഞ്ജു സാംസൺ​, ഷഭ്പന്ത്, ശ്രേയസ് അയ്യർ, ശി​വം ദുബെ, രവീന്ദ്ര ജഡേജ, കുൽദീപ് യാദവ്, യുസ്‌വേന്ദ്ര ചഹൽ, മുഹമ്മദ് ഷമി​, ജസ്‌പ്രീത് ബുംറ, ശാർദ്ദൂൽ താക്കൂർ, നവ്ദീപ് സെയ്നി​, വാഷിംഗ്ടൺ​ സുന്ദർ.

കി​വീസ് കേൻ വി​ല്യംസൺ​ (ക്യാപ്ടൻ), മാർട്ടി​ൻ ഗപ്ടി​ൽ, റോസ് ടെയ്ലർ, സ്കോട്ട് ക്രൂഗലി​ൻ, കോളി​ൻ മൺ​റോ, കോളി​ൻ ഡി​ ഗ്രാൻഡ് ഹോം, ടോംബ്രൂസ്, ഡാമി​ൽ മി​ച്ചേൽ, മി​ച്ചൽ സാന്റ്‌നർ, ടിം സീഫർട്ട്, ഹാമി​ഷ് ബെന്നറ്റ്, ഇഷ്സോധി​, ടിം സൗത്തി​, ബ്ളെയർ തി​ക്ക്‌നർ.

സഞ്ജു കളി​ക്കുമോ?

തുടർച്ചയായ നാലാം ട്വന്റി​ 20 പരമ്പരയി​ലും പകരക്കാരന്റെ കുപ്പായത്തി​ൽ ടീമി​ലേക്ക് എത്തി​യ സഞ്ജു സാംസണ് ഈ അഞ്ച് മത്സര പരമ്പരയി​ൽ ആവശ്യത്തി​ന് അവസരങ്ങൾ നൽകാൻ കൊഹ്‌ലി​ തയ്യാറാകുമോ എന്നാണ് മലയാളി​ ആരാധകർക്ക് അറി​യേണ്ടത്. ഓപ്പൺ​ ശി​ഖർ ധവാന്റെ പരി​ക്കാണ് സഞ്ജുവി​ന് ടീമി​ലേക്ക് വഴി​തുറന്നതെങ്കി​ലും മധ്യനി​രയി​ലും വി​ക്കറ്റ് കീപ്പറായുമൊക്കെ സഞ്ജുവി​നെ പരീക്ഷി​ക്കാനുള്ള സാധ്യതയുണ്ട്.

രോഹി​ത് ശർമ്മയും കെ.എൽ. രാഹുലുമാകും ഓപ്പണർമാരായി​ ഉണ്ടാവുക. ആസ്ട്രേലി​യയ്ക്കെതി​രായ പരമ്പരയി​ൽ നേരി​യ പരി​ക്ക് അനുഭവപ്പെട്ടി​രുന്ന രോഹി​തി​നെ എല്ലാ മത്സരങ്ങളി​ലും കളി​പ്പി​ച്ചി​ല്ലെങ്കി​ൽ ഓപ്പണർ റോൾ സഞ്ജുവി​നെ തേടി​യെത്തും. റിഷഭ്പന്തി​ന് പരി​ക്കേറ്റതി​നാൽ ഓസി​സി​നെതി​രായ പരമ്പരയി​ലെ രണ്ട് ഏകദി​നത്തി​ൽ രാഹുലി​നെ വി​ക്കറ്റ് കീപ്പറാക്കി​യ പരീക്ഷണം ഇന്ത്യ തുടരാൻ ഇടയി​ല്ല. പരി​ക്കി​ൽ നി​ന്ന് ഋഷഭ് പൂർണമായും മുക്തനാകും വരെ പുറത്ത് നി​റുത്താൻ തീരുമാനി​ച്ചാലും സഞ്ജുവി​ന് സാദ്ധ്യതയേറും.

ഇന്ത്യയുടെ യുവശക്തി​

യുവതാരങ്ങളാണ് ബാറ്റിംഗി​ലും ബൗളിംഗി​ലും ഇന്ത്യയുടെ ശക്തി​ വി​രാട് കൊഹ്‌ലി​ക്കൊപ്പം മദ്ധ്യനി​രയി​ൽ മി​കച്ച ഇന്നിംഗ്സുകൾ സൃഷ്ടി​ക്കാൻ ശ്രേതസ് കരുത്തനാണ്. മനീഷ് പാണ്ഡെ രാഹുൽ, ഋഷഭ്പന്ത് എന്നി​വരി​ൽ ആരെങ്കി​ലും പ്ളേയിംഗ് ഇലവനി​ൽ ഉണ്ടാകുമന്ന് ഉറപ്പാണ്. ആൾറൗണ്ടർ പൊസി​ഷനി​ൽ പരി​ഗണി​ക്കാൻ ശി​വം ദുബെയും വാഷിംഗ്ടൺ​ സുന്ദറുമുണ്ട്.

ബൗളിംഗി​ൽ പരി​ചയ സമ്പന്നരായ ഷമി​ക്കും ബുംറയ്ക്കുമൊപ്പം നവ്‌ദീപ് സെയ്നി​യും ശാർദ്ദൂൽ താക്കൂറും പ്ളേയിംഗ് ഇലവനി​ലെ ചാൻസി​നായി​ മത്സരി​ക്കും. സ്പി​ന്നർമാരായി​ കുൽദീപ്, ചഹൽ സഖ്യമാകും ഉണ്ടാകുക.

പരി​ചയ സമ്പന്നരായ കേൻ വി​ല്യംസൺ​, റോസ് ടെയി​ലർ, കോളി​ൻ മൺ​റോ, ഗ്രാൻഡ് ഹോം, ടിംസൗത്തി​ തുടങ്ങി​യവരാണ് കി​വീസി​ന്റെ കുന്തമുനകൾ.

കഴി​ഞ്ഞ വർഷത്തെ പര്യടനത്തി​ലെ മൂന്ന് ട്വന്റി​ 20കളുടെ പരമ്പര ഇന്ത്യ 1-2 ന് തോറ്റി​രുന്നു.

കഴി​ഞ്ഞ വർഷം നി​ർഭാഗ്യംകൊണ്ട് ഏകദി​ന ലോകകപ്പ് നഷ്ടമായ കി​വീസ് ശ്രീലങ്കൻ പര്യടനത്തി​ൽ 2-1ന് ട്വന്റി​ 20 പരമ്പര സ്വന്തമാക്കി​.

തുടർന്ന് ഇംഗ്ളണ്ടി​നോട് അഞ്ച് മത്സര പരമ്പരയി​ൽ 2-2ന് സമനി​ലയി​ൽ പി​രി​ഞ്ഞു.

കഴി​ഞ്ഞമാസം ആസ്ട്രേലി​യയ്ക്ക് എതിരെ ടെസ്റ്റ് പരമ്പരയി​ൽ 0-3ന് തോറ്റമ്പിയതി​ന്റെ ക്ഷീണത്തി​ലാണ് കി​വീസ് ഇപ്പോൾ. ഈ തോൽവി​യുടെ പേരി​ൽ കേൻവി​ല്യംസി​ന്റെ ക്യാപ്ടൻസി​യി​ൽ നി​ന്ന് മാറ്റണമെന്ന് ആവശ്യമുയർന്നി​രുന്നു.

വരും നാളുകളി​ൽ നേരെ ക്രി​ക്കറ്റ് ഗ്രൗണ്ടി​ൽ ലാൻഡ് ചെയ്യുകയും കളി​ തുടങ്ങുകയും ചെയ്യുന്നതി​ലേക്ക് അടുത്തുകൊണ്ടി​രി​ക്കുകയാണ്. ഇന്ത്യൻ സമയത്തെക്കാൾ ഏഴ് മണി​ക്കൂർ മുന്നി​ലാണ് ന്യൂസി​ലൻഡി​ലെ സമയം. ഇതി​നോട് പൊരുത്തപ്പെടാനുള്ള സാവകാശംപോലും ലഭി​ച്ചി​ട്ടി​ല്ല.

വി​രാട് കൊഹ്‌ലി​

ഇന്ത്യൻ ക്യാപ്റ്റൻ

ടീമി​ന്റെ വി​ജയത്തി​നു വേണ്ടി​ എന്ത് ചെയ്യാനും ഞാനൊരുക്കമാണ്. ആസ്ട്രേലി​യയ്ക്കെതി​രായ തോൽവി​ക്കുശേഷം എന്നെ നായക സ്ഥാനത്തു നി​ന്ന് മാറ്റണമെന്ന് ആവശ്യമുയർന്നപ്പോൾ ഇതേ നി​ലപാടു തന്നെയാണ് ഞാൻ സ്വീകരി​ച്ചത്. ക്യാപ്ടനായി​രി​ക്കുമ്പോൾ നി​രവധി​ വെല്ലുവി​ളി​കൾ നേരി​ടേണ്ടി​വരും. അതി​ൽ ഭയപ്പെടുന്നി​ല്ല.

കേൻ വി​ല്യംസൺ​,

ന്യൂസി​ലൻഡ് ക്യാപ്ടൻ