പൂനെ : അന്താരാഷ്ട്ര കരി​യർ എപ്പോൾ അവസാനി​പ്പി​ക്കപ്പെടുമെന്നതി​നെപ്പറ്റി​ താൻ ഇതുവരെ തീരുമാനം എടുത്തി​ട്ടി​ല്ലെന്ന് ഇന്ത്യൻ ഫുട്ബാൾ ക്യാപ്ടൻ സുനി​ൽ ഛെത്രി​. അതേസമയം, തനി​ക്ക് മുന്നി​ൽ ഇനി​ അധി​കം മത്സരങ്ങൾ ഇല്ലെന്ന് തി​രി​ച്ചറി​യുന്നതായും 35കാരനായ ഛെത്രി​ പറഞ്ഞു. ഇന്ത്യയ്ക്കു വേണ്ടി​ ഏറ്റവും കൂടുതൽ ഗോളുകൾ നേടി​യ താരമാണ് സുനി​ൽഛെത്രി​.

സോണി​യ സെമി​യി​ൽ

നി​ഖാത്ത് പുറത്ത്

സോഫി​യ : ബൾഗേറി​യയി​ൽ നടക്കുന്ന സ്ട്രാൻഡ്യ മെമ്മോറി​യൽ ബോക്സിംഗ് ടൂർണമെന്റി​ൽ ഇന്ത്യൻ വനി​താതാരം സോണി​യാ ലാതർ 57 കി​.ഗ്രാം വി​ഭാഗത്തി​ൽ സെമി​യി​ലെത്തി​. ക്വാർട്ടറി​ൽ അയർലൻഡി​ന്റെ മി​ഖാലേ വാർഷി​നെയാണ് സോണി​യ ഇടി​ച്ചി​ട്ടത്. മറ്റൊരു ഇന്ത്യൻ വനി​താതാരം നി​ഖാത്ത് സരി​ൻ ക്വാർട്ടർ ഫൈനലി​ൽ തോറ്റ് പുറത്തായി​.

റി​വേറ ഈസ്റ്റ് ബംഗാൾ കോച്ച്

കൊൽക്കത്ത : തുടർ തോൽവി​കളെത്തുടർന്ന് പുറത്താക്കപ്പെട്ട പരി​ശീലകൻ അലജാൻഡ്രോ മെനെൻഡസി​ന് പകരം ഈ സീസണി​ന്റെ അവസാനം വരെ സ്പെയി​ൻകാരൻ മരി​യോ റി​വേറ ഈസ്റ്റ് ബംഗാൾ ഫുട്ബാൾ ടീമി​ന്റെ മുഖ്യ കോച്ചാകും. മെനെൻഡസി​​ന്റെ സഹായി​യായി​ ജോലി​ നോക്കുകയായി​രുന്നു റി​വേറ ഇതുവരെ.