കല്ലമ്പലം: മരണാനന്തരചടങ്ങിൽ പങ്കെടുത്തുനിൽക്കെ ആറംഗ അക്രമിസംഘം യുവാവിനെ വെട്ടി പരിക്കേൽപ്പിച്ചു. ഞെക്കാട് തറട്ടയിൽ അഭി നിവാസിൽ ഉണ്ണി എന്ന അജയനാണ് (34) പരിക്കേറ്റത്. കഴിഞ്ഞ ദിവസം പകൽ 12ഓടെയായിരുന്നു സംഭവം. തെങ്ങുകയറ്റ തൊഴിലാളിയായ അജയൻ അയൽവാസിയുടെ മരണാനന്തരചടങ്ങിൽ പങ്കെടുക്കവെ ആറംഗ അക്രമിസംഘം തെരഞ്ഞുപിടിച്ച് കൊലപ്പെടുത്താൻ ശ്രമിക്കുകയായിരുന്നുവെന്ന് ബന്ധുക്കൾ കല്ലമ്പലം പൊലീസിൽ നൽകിയ പരാതിയിൽ പറയുന്നു. തലയ്ക്ക് ഗുരുതര പരിക്കേറ്റ അജയൻ വർക്കല താലൂക്കാശുപത്രിയിൽ ചികിത്സയിലാണ്. കല്ലമ്പലം പൊലീസ് കേസെടുത്ത്‌ അന്വേഷണമാരംഭിച്ചു.