മുടപുരം: മുടപുരം പ്രേംനസീർ മെമ്മോറിയൽ ശാന്തി ആർട്സ് ക്ലബ് ആൻഡ് റീഡിംഗ് റൂമിന്റെ ആഭിമുഖ്യത്തിലുള്ള ഉണർവിന്റെ പ്രതിമാസ സാഹിത്യചർച്ചയും പ്രേംനസീർ അനുസ്‌മരണവും വായനശാല ഹാളിൽ നടന്നു. സി.എസ്. ചന്ദ്രബാബു, പ്രേംനസീർ അനുസ്‌മരണ പ്രഭാഷണം നടത്തി. ചെറുകഥാകൃത്ത് ചാന്നാങ്കര സലിം സ്വന്തം കഥ വായിച്ചു. തുടർന്ന് ചെറുകഥാകൃത്ത് രാജചന്ദ്രന്റെ 'ന കാമ കാമി' എന്ന ചെറുകഥാസമാഹാരത്തെക്കുറിച്ച് നിരൂപകൻ സുനിൽ വെട്ടിയറ, ചെറുകഥാകൃത്ത് സുരേലാൽ എന്നിവർ പ്രഭാഷണം നടത്തി. ചർച്ചയിൽ വിജയൻ പുരവൂർ, ഉദയകുമാർ, രാമചന്ദ്രൻ കരവാരം, രാമമന്ദിരം തുളസീധരൻ, ചാന്നാങ്കര സലിം, സുരേഷ് ആറ്റിങ്ങൽ എന്നിവർ സംസാരിച്ചു. പി. വിപിൻചന്ദ്രൻ മോഡറേറ്ററായിരുന്നു.