ബാലരാമപുരം: എസ്.എൻ.ഡി.പി യോഗം റസൽപുരം ശാഖയുടെ ഗുരുദേവ പ്രതിഷ്ഠയുടെ 19ാം വാർഷിക ആഘോഷം നേമം യൂണിയൻ പ്രസിഡന്റ് സുപ്രിയ സുരേന്ദ്രൻ, സെക്രട്ടറി മേലാംകോട് സുധാകരൻ എന്നിവർ നിർവഹിച്ചു. തുടർന്ന് നടന്ന ശ്രീനാരായണ വനിത, യുവജന സമ്മേളനം അഡ്വ.എം. വിൻസെന്റ് എം.എൽ.എ ഉദ്ഘാടനം ചെയ്തു. വനിതാസംഘം പ്രസിഡന്റ് സുശീല തുളസീധരൻ അദ്ധ്യക്ഷത വഹിച്ചു. വാർഡ് മെമ്പർമാരായ സുപ്രിയ, ഊരൂട്ടമ്പലം ഷിബു, ജി. ശോഭ, ബാലജനയോഗം സെക്രട്ടറി അഭിജിത്ത്. എസ്.വി, പ്രസിഡന്റ് ആര്യശ്രീ, വനിതാസംഘം യൂണിറ്റ് സെക്രട്ടറി അമ്പിളി വിജയകുമാർ എന്നിവർ സംസാരിച്ചു. കുമാരി സംഘം യൂണിറ്റ് പ്രസിഡന്റ് കുമാരി ശരണ്യ സ്വാഗതവും സെക്രട്ടറി കുമാരി കൃഷ്ണ നന്ദിയും പറഞ്ഞു.