മുടപുരം : റിപ്പബ്ലിക് ദിനത്തിന് മുന്നോടിയായി ദേശീയ സംസ്ഥാന പാതയോരങ്ങളിലെ ജൈവ അജൈവ മാലിന്യം നീക്കം ചെയ്യുന്നതിന് പ്രത്യേക ശുചീകരണ യജ്‌ഞം മംഗലപുരം ഗ്രാമ പഞ്ചായത്ത് നടത്തി. സംസ്ഥാന സർക്കാരിന്റെ നിർദ്ദേശാനുസാരം തദ്ദേശ ഭരണവകുപ്പും, വിവിധ വകുപ്പുകളും, ഹരിത കർമ്മ സേനയും, കുടുംബ ശ്രീയും, ഗ്രാമീണ തൊഴിൽ ഉറപ്പ് തൊഴിലാളികളും, സന്നദ്ധ സംഘടനകളുടെയും നേതൃത്വത്തിൽ നാഷണൽ ഹൈവേയിൽ കുറക്കോട് മുതൽ കോരാണി വരെ എട്ടു കിലോമീറ്റർ ഇരു ഭാഗത്തുമുള്ള ജൈവ, അജൈവ മാലിന്യങ്ങൾ നീക്കം ചെയ്തു. പഞ്ചായത്ത് ഡെപ്യൂട്ടി ഡയറക്റ്റർ ത്രേസ്യാമ്മ ആന്റണി ഉദ്‌ഘാടനം നിർവഹിച്ചു. ഗ്രാമപഞ്ചായത്ത് വൈസ് പ്രസിഡന്റ് സുമ ഇടവിളാകം, വികസനകാര്യ ചെയർമാൻ മംഗലപുരം ഷാഫി, ആരോഗ്യകാര്യ ചെയർമാൻ വേണുഗോപാലൻ നായർ, മെമ്പർമാരായ വി. അജികുമാർ, സി. ജയ്മോൻ, ലളിതാംബിക, എം. എസ്. ഉദയകുമാരി, തങ്കച്ചി ജഗന്നിവാസൻ, ദീപാ സുരേഷ്, സെക്രട്ടറി ജി. എൻ. ഹരികുമാർ, അസിസ്റ്റന്റ് സെക്രട്ടറി എസ്. സുഹാസ് ലാൽ, മെഡിക്കൽ ഓഫീസർ ഡോക്ടർ മിനി. പി. മണി,വി .ഇ .ഒ സുമേഷ്, ഹെൽത്ത് ഇൻസ്‌പെക്ടർ അഖിലേഷ്, ജൂനിയർ ഹെൽത്ത് ഇൻസ്‌പെക്ടർമാരായ ദീപാ ശങ്കർ, ദിവ്യ, കുടുംബശ്രീ ചെയർപേഴ്‌സൺ ബിന്ദു ജെയിംസ്, വൈസ് ചെയർപേഴ്‌സൺ സുജിത, ശുചിത്വമിഷൻ കോ-ഓർഡിനേറ്റർ അഞ്ചു, തിരുവനന്തപുരം ഇഞ്ചനീയറിങ് കോളേജ് എൻ.എസ്.എസ് വിദ്യാർത്ഥികൾ, സന്നദ്ധ സംഘടന പ്രവർത്തകർ എന്നിവർ നേതൃത്വം നൽകി.