തിരുവനന്തപുരം:കായിക്കര ആശാൻ മെമ്മോറിയൽ അസോസിയേഷന്റെയും മൂലൂർ ഫൗണ്ടേഷന്റെയും ആഭിമുഖ്യത്തിൽ കവി മൂലൂർ എസ്.പദ്മനാഭപണിക്കരുടെ ശതോത്തര കനകജൂബിലിയുടെയും കവി രാമായണത്തിന്റെ ശതോത്തര രജത ജൂബിലിയുടെയും ആഘോഷം 28ന് കായിക്കര ആശാൻ സ്മാരക ഓപ്പൺ എയർ ആഡിറ്റോറിയത്തിൽ നടക്കും.വൈകിട്ട് 4ന് നടക്കുന്ന അനുസ്മരണ സമ്മേളനം അടൂർ പ്രകാശ് എം.പി ഉദ്ഘാടനം ചെയ്യും. മുല്ലക്കര രത്നാകരൻ എം.എൽ.എ മുഖ്യപ്രഭാഷണം നടത്തും.എ.എം.എ വർക്കിംഗ് പ്രസിഡന്റ് ചെറുന്നിയൂർ ജയപ്രകാശ് അദ്ധ്യക്ഷത വഹിക്കും.മൂലൂർ ഫൗണ്ടേഷൻ പ്രസിഡന്റ് ജോർജ് ഓണക്കൂർ,എ.എം.എ പ്രസിഡന്റ് ഡോ.സുധാകരൻ എന്നിവർ വിശിഷ്ടാതിഥികളാകും.സുമേഷ് കൃഷ്ണൻ, എ.എം.എ ട്രഷറർ ഡോ.ബി.ഭുവനേന്ദ്രൻ,പ്രൊഫ.സഹൃദയൻ തമ്പി തുടങ്ങിയവർ സംസാരിക്കും.എ.എം.എ ഗവേണിംഗ് ബോഡി അംഗങ്ങളായ വി.ലൈജു സ്വാഗതവും ഡി.ശ്രീകൃഷ്ണൻ നന്ദിയും പറയും.

രാവിലെ 10ന് മൂലൂർ: കവിയും കർമയോഗിയും എന്ന വിഷയത്തിൽ നടക്കുന്ന സെമിനാറിൽ ശിവഗിരി എസ്.എൻ കോളേജിലെ മലയാളം വിഭാഗം വിദ്യാർത്ഥികളും നെടുംങ്ങണ്ട എസ്.എൻ ട്രെയിനിംഗ് കോളേജ് വിദ്യാർത്ഥികളും അദ്ധ്യാപകരും പങ്കെടുക്കും. മൂലൂർ ഫൗണ്ടേഷൻ ജനറൽ സെക്രട്ടറി പ്രൊഫ.സഹൃദയൻ തമ്പി അദ്ധ്യക്ഷത വഹിക്കും.ബി.ഭുവനേന്ദ്രൻ,പ്രൊഫ.വി.എ.വിജയ, വി.ദത്തൻ എന്നിവർ വിവിധ വിഷയങ്ങളിൽ പ്രബന്ധം അവതരിപ്പിക്കും.ഉണ്ണി ആറ്റിങ്ങൽ സ്വാഗതവും സി.വി.സുരേന്ദ്രൻ നന്ദിയും പറയും.ഉച്ചയ്ക്ക് 2.30ന് നടക്കുന്ന കവിയരങ്ങിൽ ഡോ. വെൺമതി ശ്യാമളൻ അദ്ധ്യക്ഷത വഹിക്കും.സദാശിവൻ പൂവത്തൂർ, ദേശാഭിമാനി ഗോപി,വിശ്വംഭരൻ രാജസൂയം,ഷിബി നിലാമുറ്റം,കായിക്കര അശോകൻ,എ.വി.ബാഹുലേയൻ,നീലി മോഹൻദാസ്, മഹേശ്വരി എന്നിവർ പങ്കെടുക്കും.രാമചന്ദ്രൻ കരവാരം സ്വാഗതവും ശ്യാമ പ്രകാശ് നന്ദിയും പറയും.